Төрт жылдан берки начар көрсөткүч. Мигранттар которгон каражат айтылды

© Sputnik / Владимир Трефилов / Медиабанкка өтүүАкча каражаттары. Архив
Акча каражаттары. Архив - Sputnik Кыргызстан
Жазылуу
Өкмөт эки ай мурун эмгек мигранттарынан которулган каражат 15 пайызга кыскарышы мүмкүн экендигин божомолдогон болчу.

БИШКЕК, 12-июн. — Sputnik. Ушул жылдын апрель айында мигранттар Кыргызстанга 76,3 миллион долларды которду. Бул тууралуу Улуттук банк кабарлады.

Кеп атайын система аркылуу жарандардын акча которуулары жөнүндө болуп жатат.

Акча каражаттары. Архив - Sputnik Кыргызстан
Кыргызстанда пандемияга карабай чакан насыя алгандар көбөйдү
2019-жылдын апрелинде өлкөгө 200,1 миллион доллар түшкөн. Эгер жаздын экинчи айында которулган каражатты салыштыра келсек, ушул жылдагы көрсөткүч 2005-жылдан берки эң төмөн сумма болуп эсептелинет. Азыраак каражат 2005, 2007 жана 2009-жылдын апрелинде гана түшкөн.

Ушул жылдын төрт айынын маалыматына токтолсок, быйыл 518,3 миллион доллар которулган. Бул былтыркыга караганда 222 миллион сомго аз. Жалпысынан 2016-жылдан берки эң начар көрсөткүч болуп калды.

Апрелдин башында вице-премьер Эркин Асрандиев 2020-жылы эмгек мигранттарынан түшкөн каражат 15 пайызга кыскарышы мүмкүндүгүн билдирген.

Жаңылыктар түрмөгү
0