03:27 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Жолго орнотулган камералар. Архив

Жаңысы келет. Кытай компаниясы "Коопсуз шаардын" II этабын иштетмекчи

© Sputnik / Наталья Селиверстова
Экономика
Кыскача шилтеме алуу
19001

Конкурстук комиссия "Коопсуз шаар" долбоорунун биринчи аткаруучусун тиешелүү документтерди тапшырбаганы үчүн өткөргөн эмес.

БИШКЕК, 16-сен. — Sputnik. Кытайлык Shenzhen Sunwin Intelligent Co. Ltd компаниясы "Коопсуз шаар" долбоорунун экинчи этабын ишке ашыруу боюнча тендерди жеңип алды. Бул маалыматты Маалыматтык технологиялар боюнча мамлекеттик комитеттен билдиришти.

Тендер быйылкы жылдын 8-майында жарыяланган. Сынакка катышкандардын арызы автоматтык тартипте 23-августта мамлекеттик сатып алуулардын электрондук порталында ачылган (www.zakupki.gov.kg).

Тендерге катышкандар:

  • "Концерн радиостроения "Вега" акционердик коому, ал 4 миллиард 802 миллион 338 миң сомдук кызматты сунуштаган (бул компания долбоордун биринчи этабын ишке ашырган);
  • Shenzhen Sunwin Intelligent Co. Ltd ишканасы — 2 миллиард 654 миллион 558 миң сом;
  • "Безопасность информационных систем" ишканасы — 5 миллиард 67 миллион 794 миң сом.

Тендер жеңүүчүсүн аныктаган комиссия бул сапар "Коопсуз шаардын" тагдырын кытай компаниясына тапшырган. Муну алар кызмат үчүн сунуштаган баасы арзан жана документтери сынактын талабына ылайык деп түшүндүрүштү. Ал эми "Вега" тапшырган документтер кабыл алынган эмес. Буга себеп — компаниянын Мамлекеттик салык кызматы менен Социалдык фондуга карыз эмес деген кагазын берген жок деп айтышты. Ошентип "Коопсуз шаардын" экинчи этабын россиялык эмес, кытайлык компания иштете турган болду.

Конкурстук комиссиянын курамында ИИМдин, УКМКнын, Экономикалык кылмыштуулукка каршы күрөшүү боюнча мамлекеттик кызматтын, Жолдор жана транспорт министрлигинин, Бишкек мэриясынын өкүлдөрү кирген. Аларга Жогорку Кеңештин депутаттары байкоо салып турганы айтылды.

Долбоордун экинчи этабында жол эрежесин бузгандарды сүрөткө тарта турган 306 камера орнотулмакчы. Алардын кайсы аймактарга коюларын бул маалыматтан окусаңыз болот.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

"Коопсуз шаардын" алкагында дагы 306 камера орнотулат. Даректери
Шабданов: "Коопсуз шаардан" бюджетке 260 млн. сом түштү
Белгилер:
тендер, Россиялык "Вега" компаниясы, Коопсуз шаар, Кыргызстан

ЭҢ МААНИЛҮҮ