Кыргызстан жана Монголия президенттеринин жолугушуусунда 9 документке кол коюлду

© Пресс-служба президента КР / Султан ДосалиевОфициальный визит президента Монголии Халтмаагийн Баттулга в Кыргызстан
Официальный визит президента Монголии Халтмаагийн Баттулга в Кыргызстан - Sputnik Кыргызстан
Жазылуу
Монголия башчысы Кыргызстанга расмий сапар менен биринчи ирет келди.

БИШКЕК, 12-июн. — Sputnik. Кыргызстан жана Монголия президенттери Сооронбай Жээнбеков менен Халтмаагийн Баттулганын жолугушуусунун аягында кызматташуу боюнча бир нече документтерге кол коюлду. Бул туурасында мамлекет башчынын маалымат кызматынан кабарлашты.

Жолугушуу мамлекеттик "Ала-Арча" резиденциясында болду.

Анын жыйынтыгында төмөнкү документтерге кол коюлду:

Кыргызстан менен Монголия өкмөттөрүнүн ортосундагы "Терроризм менен күрөшүүдө кызматташуу жөнүндөгү" макулдашуу;

Кыргызстан менен Монголия өкмөттөрүнүн ортосундагы аскерий жаатта кызматташуу жөнүндө макулдашуу;

Кыргызстандын Коопсуздук кеңешинин катчылыгы менен Монголиянын Улуттук коопсуздук катчылыгынын ортосундагы кызматташуу жөнүндө протокол;

Салам, аскер! Монгол ажосу Ардак кароол менен кыргызча учурашкан видео - Sputnik Кыргызстан
Салам, аскер! Монгол ажосу Ардак кароол менен кыргызча учурашкан видео
Кыргызстандын Билим берүү жана илим министрлиги менен Монголиянын Билим берүү, маданият, спорт жана илим министрлигинин ортосундагы өз ара түшүнүшүү жөнүндө меморандум;

Кыргызстандын Маданият, маалымат жана туризм министрлиги менен Монголиянын Айлана чөйрө жана туризм министрлиги ортосундагы туризм жаатында кызматташуу жөнүндө меморандум;

Кыргызстандын Интеллектуалдык менчик жана инновациялар мамлекеттик кызматы менен Монголиянын интеллектуалдык менчик боюнча ведомствосунун ортосундагы интеллектуалдык менчикке жана салттуу билимдерге укукту коргоо жаатында кызматташуу тууралуу макулдашуу;

Ысык-Көл облусу менен Монголиянын Увс аймагы ортосундагы соода-экономикалык жана маданий-гуманитардык кызматташтык жөнүндө меморандум;

Кыргызстандын Мамлекеттик каттоо кызматы менен Монголия Башкы архив башкармалыгынын ортосундагы кызматташтык жөнүндө меморандум;

Кыргыз илимдер академиясы менен Монголия илимдер академиясынын ортосундагы өз ара түшүнүшүү жөнүндө меморандум.

Жаңылыктар түрмөгү
0