Өзүн актай албай сатылып жаткан 7 мамлекеттик ишкана. Баасы жана себептери

Мындай мекемелердин айрымдары инвестицияга муктаж болсо, дагы бири атандыштыкка туруштук бере албай өндүрүшү токтоп калган. Буга байланыштуу Sputnik Кыргызстан агенттиги толук иштебей жана киреше таба албай сатылып жаткан ишканаларды тизмектеп көрүүнү эп көрдү.

1. "Альфа Телеком" жабык акционердик коомунун 100 пайыздык пакети аукционго коюлду. 2005-жылы негизделип бир жылдан кийин ишке кирген компания байланыш станцияларынан тарта сатуу кеңселери жана аймактагы өкүлчүлүктөрүнө чейин сатат. Буга чейин эки аукциондо тең кардар чыкпай, 19 миллиард деп белгиленген баштапкы баасы алгач 14,3 миллионго түшүп, эми 13 миллиард 500 миллион сомго бааланууда. Компания миңден ашык адамды жумуш менен камсыз кыла алат, 2016-жылдагы таза кирешеси 1 миллиард 964 миллион 434 миң сомду түздү. Компания атандаштыка туруштук бере албагандыктан Жогорку Кеңештин токтомунун негизинде сатылууда.

2. "Эйр Кыргызстан" ачык акционердик коомунун 49 пайыздык үлүшү быйыл сатыкка коюлат. Авиакомпания чет элдик атаандаштарына туруштук бере албагандыктан 188 миллион сомго соодаланганы жатат. Мекеме 100дөй адамды жумуш менен камсыздайт. Компаниянын өткөн жылдагы таза кирешеси 8 миллион 237 миң сомду түзгөн.

3. "Ишкердикти өнүктүрүү фонду" ачык акционердик коомун 73 миллион сомго сатуу пландалып жатат. Компания толугу менен мамлекетке карайт. Сатууга анын атаандаштыкка туруштук бере албаганы себеп болууда. Мамлекеттин карамагындагы мекеме 60тан ашык жумушчуну иш менен камсыздоого жөндөмдүү. Анын 2016-жылдагы таза кирешеси 9 миллион 167 миң сом экени белгилүү болду.

4. "Кара-Балта спирт заводу". Мамлекеттин карамындагы бул ишкананын баштапкы баасы 200 миллион сом. Мекеме менчик спирт заводдору менен теңтайлаша албаганынан улам сатыкка коюлууда. Акыркы 3 жылдан бери толук кандуу иштебеген завод былтыр аукционго коюлуп өтпөй калган. Союз учурунда ачылып, эгемендик жылдарында да иштеген завод жылына 10 миллион литр этил спиртин өндүрө алат.

5. Токмок кагаз заводу. 100 пайыздык акциясы сатыкка коюлду. Баштапкы баасы 234 миллион 606 миң сом деп бааланууда. "Кыргыз-кытай кагаз фабрикасы" акционердик коомунун 72,5 пайызы Кыргызстанга, калганы Кытай мамлекетине карайт. Завод эки өлкөнүн ортосундагы макулдашуунун негизинде 50 миллион юань жана Кытайдын Экспорттук-импорттук банкынан 13,3 миллион доллар насыя алынып курулган. Ишкана 2002-жылы ачылып, эки жылдай гана иштеген. Завод жылына 11 миң тонна кагаз өндүрө алат.

6. Трансулуттук "Дастан" корпорациясы ачык акционердик коомунун 98,46 пайыздык үлүшү сатылат. Учурда баасы такталууда. Аскер багытындагы ишкана 800гө жакын адамды жумуш менен камсыздайт. 2016-жылдагы таза кирешеси 148 млн 335 миң сомду түзгөн.

7. "Беш-Бурхан шахтасы" жоопкерчилиги чектелген коомунун 95,64 пайыздык акциясы 45 миллион 865 миң 790 сомго бааланган. Шахта 2013-жылдан бери иштебей келет.

Булак: Мамлекеттик мүлктү башкаруу фонду, Экономика министрлиги.