Казакстандагы эл аралык фестивалга Кыргызстандан алты тасма катышат

© Фото / Эдиль МелисбековКадр из фильма "Саякбай", режиссера Эрнеста Абдыжапарова
Кадр из фильма Саякбай,  режиссера Эрнеста Абдыжапарова - Sputnik Кыргызстан
Жазылуу
Иш-чара 1-7-июль күндөрү Астана шаарында өтөт.

БИШКЕК, 26-июн. — Sputnik. Казакстанда өтө турган "Евразия" эл аралык кинофестивалына Кыргызстандан алты тасма катышат. Бул тууралуу Кинематографты колдоо фондусунан билдиришти.

Маалыматка караганда, иш-чара 1-7-июль күндөрү Астана шаарында өтөт.

"Кыргызстандын атынан "Сулайман тоо" (режиссеру Елизавета Стишова), "Өмүр", (режиссеру Чолпонай Бөрүбаева), "Саякбай" (режиссеру Эрнест Абдыжапаров), "Түндү кырсык" (режиссеру Темир Бирназаров), "Жалгыз кайың" (режиссеру Дальмира Тилепбергенова) жана "Чүкөлөр" (продюсери Артур Веэбер) тасмалары катышат", — деп айтылат билдирүүдө.

Фестивалдын негиздөөчүсү — Казакстан. Негизги максаты — тасма тартуу тармагындагы эл аралык кызматташтыкты жакшыртуу.

Жаңылыктар түрмөгү
0