БИШКЕК, 22-июн. — Sputnik. Бишкекте ыш менен күрөштүн майнаптуулугун арттыруу максатында экополиция түзүү маселеси каралып жатат. Бул тууралуу Жаратылыш ресурстары, экология жана техникалык көзөмөл министрлиги билдирди.
Азырынча аталган структура боюнча башка маалымат жок.
Министрлик ордо калаа менен Чүй облусундагы ыш маселесин чечүү үчүн ыкчам чараларды көрүп жатканы айтылды. Министр Мелис Тургунбаев ведомстволор аралык комиссиянын жыйынында көйгөй өлкө жетекчилигинин көзөмөлүндө экенин, мындан улам азыр эң башкысы ыкчамдык жана иштин сапаты экени белгиледи.
© Фото / пресс-служба МПРЭиТН КР
Жыйын катышуучулары, мындан тышкары, жаңы конуштарды жана шаар четиндеги райондорду газга кошуу, ЖЭБдин 15 казанын газга өткөрүү, ден соолук борборлорунун, коомдук мончолордун жана жер тамдардын жылытылышын текшерүү сыяктуу маселелерди талкуулашкан.