14:30 16 Тогуздун айы 2019
Түз эфир
  • USD69.8396
  • EUR77.0051
  • RUB1.0869
Ысык-Көл районунун акими Данир Иманалиев Sputnik Кыргызстан радиосунун таңкы эфиринде
© Sputnik / Табылды Кадырбеков

Иманалиев: Ысык-Көлдөн чыккан таштандынын теңинен көбү желим баштык

Радио
Кыскача шилтеме алуу
114 0 0

Ысык-Көл районунун акими Данир Иманалиев полиэтилен баштыктары менен пластик идиштерди өндүрүүгө жана ташып кирүүгө тыюу салуу боюнча мыйзам долбоору колдоого ээ болсо, Ысык-Көл биосфералык аймагы үчүн чоң жетишкендик боло тургандыгын айтты.

Райондун тургундарына полиэтилен баштыктарын колдонбоо боюнча түшүндүрүү иштери жүргүзүлүп турат. Бирок мыйзам боюнча жергиликтүү бийлик аны колдонууга тыюу сала албайт. Бул тууралуу Данир Иманалиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, III Дүйнөлүк көчмөндөр оюнунда полиэтилен баштыкчалары, пластик идиштердин калдыктары район үчүн чоң көйгөй жаратты.

"Мыйзамга ылайык, биз желим баштыктарды колдонууга тыюу сала албайбыз. Бирок 2014-жылы Жогорку Кеңешке бул маселе боюнча кайрылуу жөнөткөнбүз. Жооп келген эмес. Бул ирет полиэтилен баштыктары менен пластик идиштерди өндүрүүгө жана ташып кирүүгө тыюу салган мыйзам долбоору колдоого ээ болсо, абдан жакшы болмок. Көчмөндөр оюнунда биз полиэтилен баштыкча, пластик идиштеринин калдыктарын чогултуп жүрүп эле күнүбүз өттү. Талаадагы таштандыны жыйнап, чогултуу оңой, көлдүн ичине кирип кеткен калдыктарды жыйноо чоң машакат", — деди Иманалиев.

Ошондой эле аким жайкы сезон маалында райондук администрация жана пансионаттын ээлери көлдү таштандыдан тазалоо үчүн суучулдарды чакыртып турушарын кошумчалады.

Белгилер:
көйгөй, таштанды, Данир Иманалиев

ЭҢ МААНИЛҮҮ