https://sputnik.kg/20260815/bashky-katchy-zhkku-olko-armeniya-uyum-mucho-eseptoo-1102996439.html
ЖККУ баш катчысы: уюм өлкөлөрү Арменияны союздаш деп эсептейт
ЖККУ баш катчысы: уюм өлкөлөрү Арменияны союздаш деп эсептейт
Sputnik Кыргызстан
БИШКЕК, 15-авг. — Sputnik. Жамааттык коопсуздук келишим уюмуна мүчө мамлекеттер Арменияны уюмдун союздашы деп билет. Бул тууралуу бирикменин башкы катчысы... 15.08.2026, Sputnik Кыргызстан
2026-08-15T10:33+0600
2026-08-15T10:33+0600
2026-08-15T10:32+0600
дүйнөдө
армения
жкку
мүчө
таалатбек масадыков
https://sputnik.kg/img/07e9/0b/1b/1098155816_0:0:3030:1705_1920x0_80_0_0_630a38493fa3a8640f25a39f22738fc9.jpg
БИШКЕК, 15-авг. — Sputnik. Жамааттык коопсуздук келишим уюмуна мүчө мамлекеттер Арменияны уюмдун союздашы деп билет. Бул тууралуу бирикменин башкы катчысы Таалатбек Масадыков РИА Новости агенттигине билдирген. Ал ЖККУга мүчө мамлекеттердин жетекчилиги Армениянын уюмдагы ишин жандантууга байланыштуу бардык маселелерди Ереван менен талкуулоого даяр экенин эске салган. Августтун башында Россиянын ЖККУдагы туруктуу өкүлү Виктор Васильев РИА Новости агенттигине Арменияны ЖККУнун органдарында добуш берүү укугунан ажыратуу үчүн консенсус, башкача айтканда, бардык мүчө мамлекеттердин бирдиктүү макулдугу талап кылынарын билдирген. Анын айтымында, ЖККУнун Жамааттык коопсуздук кеңешинин кезектеги жыйыны 11-ноябрда Москвада өтөт. Анда мамлекет башчылары бул маселени да талкуулашы мүмкүн. Айта кетсек, Армения 2024-жылдан бери ЖККУга мүчөлүгүн токтотуп турат. Уюмдун уставынын 20-беренесине ылайык, эгер мүчө мамлекет уюмдун бюджетине болгон карызын эки жылдын ичинде төлөбөсө, Жамааттык коопсуздук кеңеши ал мамлекеттин жарандарына уюмдун алкагындагы квоталык кызматтарга талапкер болуу укугун убактылуу токтотот. Ошондой эле карызы толук төлөнгөнгө чейин уюмдун органдарында добуш берүү укугунан ажыратуу жөнүндө чечим кабыл алат. Мындан тышкары, уставдын 20-беренесинде мүчө мамлекет уставдын талаптарын, Кеңештин чечимдерин аткарбаса, Жамааттык коопсуздук кеңеши анын уюмдун ишине катыштырбай турары же аны уюмдан чыгаруу жөнүндө чечим кабыл ала алары белгиленген. Мындай маселелерди чечүүдө сөз болуп мамлекеттин добушу эсепке алынбайт.
https://sputnik.kg/20260728/putin-armeniya-kelechek-anyktoo-chakyrdy-1102651141.html
армения
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, армения, жкку, мүчө, таалатбек масадыков
дүйнөдө, армения, жкку, мүчө, таалатбек масадыков
БИШКЕК, 15-авг. — Sputnik. Жамааттык коопсуздук келишим уюмуна мүчө мамлекеттер Арменияны уюмдун союздашы деп билет. Бул тууралуу бирикменин башкы катчысы Таалатбек Масадыков
РИА Новости агенттигине билдирген.
"Армения уюм түзүлгөн алгачкы күндөрдөн тартып эле анын ишине жигердүү катышып, жамааттык мүмкүнчүлүктөрдү чыңдоого татыктуу салымын кошуп келген. Бүгүнкү күндө да ЖККУга мүчө мамлекеттер бул өлкөнү уюмдун союздашы катары карашат", — деген Масадыков.
Ал ЖККУга мүчө мамлекеттердин жетекчилиги Армениянын уюмдагы ишин жандантууга байланыштуу бардык маселелерди Ереван менен талкуулоого даяр экенин эске салган.
Августтун башында Россиянын ЖККУдагы туруктуу өкүлү Виктор Васильев РИА Новости агенттигине Арменияны ЖККУнун органдарында добуш берүү укугунан ажыратуу үчүн консенсус, башкача айтканда, бардык мүчө мамлекеттердин бирдиктүү макулдугу талап кылынарын билдирген. Анын айтымында, ЖККУнун Жамааттык коопсуздук кеңешинин кезектеги жыйыны 11-ноябрда Москвада өтөт. Анда мамлекет башчылары бул маселени да талкуулашы мүмкүн.
Айта кетсек, Армения 2024-жылдан бери ЖККУга мүчөлүгүн токтотуп турат. Уюмдун уставынын 20-беренесине ылайык, эгер мүчө мамлекет уюмдун бюджетине болгон карызын эки жылдын ичинде төлөбөсө, Жамааттык коопсуздук кеңеши ал мамлекеттин жарандарына уюмдун алкагындагы квоталык кызматтарга талапкер болуу укугун убактылуу токтотот. Ошондой эле карызы толук төлөнгөнгө чейин уюмдун органдарында добуш берүү укугунан ажыратуу жөнүндө чечим кабыл алат.
Мындан тышкары, уставдын 20-беренесинде мүчө мамлекет уставдын талаптарын, Кеңештин чечимдерин аткарбаса, Жамааттык коопсуздук кеңеши анын уюмдун ишине катыштырбай турары же аны уюмдан чыгаруу жөнүндө чечим кабыл ала алары белгиленген.
Мындай маселелерди чечүүдө сөз болуп мамлекеттин добушу эсепке алынбайт.
