https://sputnik.kg/20260722/rubio-irandy-ayyptady-1102534788.html
Рубио Иранды сүйлөшүүлөргө олуттуу мамиле кылбай жатат деп айыптады
Рубио Иранды сүйлөшүүлөргө олуттуу мамиле кылбай жатат деп айыптады
Sputnik Кыргызстан
БИШКЕК, 22-июл. — Sputnik. АКШнын мамлекеттик катчысы Марко Рубио Иранды сүйлөшүүлөргө олуттуу мамиле кылбай жатат деп айыптады. Бул тууралуу РИА Новости... 22.07.2026, Sputnik Кыргызстан
2026-07-22T09:58+0600
2026-07-22T09:58+0600
2026-07-22T09:58+0600
дүйнөдө
иран
акш
марко рубио
жаңжал
согуш
мария захарова
https://sputnik.kg/img/07e9/09/10/1096541090_0:0:3072:1728_1920x0_80_0_0_f3a685c9b0133a35b89faaf765420f9e.jpg
БИШКЕК, 22-июл. — Sputnik. АКШнын мамлекеттик катчысы Марко Рубио Иранды сүйлөшүүлөргө олуттуу мамиле кылбай жатат деп айыптады. Бул тууралуу РИА Новости агенттиги жазды. Мамлекеттик катчынын айтымында, эгер мындай абал улана берсе, Вашингтон АКШнын жана анын союздаштарынын кызыкчылыктарын коргоо үчүн бардык зарыл чараларды көрөт. Россиянын Тышкы иштер министрлигинин расмий өкүлү Мария Захарова бул айыптоолорго жооп берип, дүйнө Батыштын түшүнүгүндөгү "сүйлөшүүлөр" кандай болорун буга чейин эле түшүнгөнүн белгиледи. Дипломаттын айтымында, келишимдер согушка даярданууну жашыруу үчүн колдонулуп келет. Кечээ Axios порталы ортомчулар Вашингтонго он күндүк ок атышууну токтотуу боюнча сунуш бергенин жазды. Маалымат булактарынын кабарына таянсак, Ак үй бул сунушту карап жатат жана Израилди кырдаалды андан ары курчутуучу аракеттерден оолак болууга чакырган. Ошол эле учурда Вашингтон сүйлөшүүлөр ийгиликсиз аякташы мүмкүн деген сценарийге да даярданып, аймактагы аскерлердин санын арбытууда. 8-июлга караган түнү АКШ Иранга каршы чабуулдарын кайра жандантып, аны Ормуз кысыгындагы коммерциялык кемелерге кол салууга айыптады. Тегеран муну мурда жетишилген келишимдерди бузуу деп атап, Жакынкы Чыгыштагы америкалык аскердик базаларга сокку ура баштады. Чыр-чатакты токтотууну караган меморандумга кол коюлганына үч жума гана болгонуна карабастан, кырдаал кайрадан кескин курчуду. Шаршембиге караган түнү АКШнын Куралдуу күчтөрүнүн Борбордук командачылыгы Иранга каршы катары менен 11 жолу аба чабуулдарын жасады.
https://sputnik.kg/20260721/aksh-menen-iranga-ehldeshuu-tuuraluu-sunush-1102515154.html
иран
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, акш, марко рубио, жаңжал, согуш, мария захарова
дүйнөдө, иран, акш, марко рубио, жаңжал, согуш, мария захарова
БИШКЕК, 22-июл. — Sputnik. АКШнын мамлекеттик катчысы Марко Рубио Иранды сүйлөшүүлөргө олуттуу мамиле кылбай жатат деп айыптады. Бул тууралуу
РИА Новости агенттиги жазды.
"Маселе азыр алар сүйлөшүүлөргө олуттуу мамиле кылбай жатканында. Эгер алар чындап эле диалогго даяр болсо, анда биз дагы даярбыз", — деген ал.
Мамлекеттик катчынын айтымында, эгер мындай абал улана берсе, Вашингтон АКШнын жана анын союздаштарынын кызыкчылыктарын коргоо үчүн бардык зарыл чараларды көрөт.
Россиянын Тышкы иштер министрлигинин расмий өкүлү Мария Захарова бул айыптоолорго жооп берип, дүйнө Батыштын түшүнүгүндөгү "сүйлөшүүлөр" кандай болорун буга чейин эле түшүнгөнүн белгиледи. Дипломаттын айтымында, келишимдер согушка даярданууну жашыруу үчүн колдонулуп келет.
Кечээ Axios порталы ортомчулар Вашингтонго он күндүк ок атышууну токтотуу боюнча сунуш бергенин жазды. Маалымат булактарынын кабарына таянсак, Ак үй бул сунушту карап жатат жана Израилди кырдаалды андан ары курчутуучу аракеттерден оолак болууга чакырган. Ошол эле учурда Вашингтон сүйлөшүүлөр ийгиликсиз аякташы мүмкүн деген сценарийге да даярданып, аймактагы аскерлердин санын арбытууда.
8-июлга караган түнү АКШ Иранга каршы чабуулдарын кайра жандантып, аны Ормуз кысыгындагы коммерциялык кемелерге кол салууга айыптады. Тегеран муну мурда жетишилген келишимдерди бузуу деп атап, Жакынкы Чыгыштагы америкалык аскердик базаларга сокку ура баштады.
Чыр-чатакты токтотууну караган меморандумга кол коюлганына үч жума гана болгонуна карабастан, кырдаал кайрадан кескин курчуду.
Шаршембиге караган түнү АКШнын Куралдуу күчтөрүнүн Борбордук командачылыгы Иранга каршы катары менен 11 жолу аба чабуулдарын жасады.
