“Бишкектик чикатило” Кумарбек Абдыровдун айыбын жеңилдеткен сотторго өкүм чыкты
© AP Photo / Seth Perlman
Жазылуу
БИШКЕК, 22-май — Sputnik. Бир нече кыз-келинди өлтүрүүгө айыпталган Кумарбек Абдыровдун айыбын жеңилдеткен сотторго өкүм чыкты. Бул тууралуу Бишкектин Биринчи май райондук сотунан билдиришти.
Маалыматка караганда, сот мурдагы судьялар Сания Баранчаеваны, Кайсын Абакировду жана Жаңыл Мамбеталыны, экс-прокурор Диляром Мамбетованы жана адвокат Сагын Жунусовду күнөөлүү деп тапты.
Маалыматка караганда, сот мурдагы судьялар Сания Баранчаеваны, Кайсын Абакировду жана Жаңыл Мамбеталыны, экс-прокурор Диляром Мамбетованы жана адвокат Сагын Жунусовду күнөөлүү деп тапты.
“Алар атайылап мыйзамсыз чечим чыгарган деп айыпталса, прокурор кызматтык ыйгарым укуктарынан аша чапкан, ал эми адвокатка алдамчылык кылган деген кине коюлган. Бирок мөөнөт өтүп кеткенине байланыштуу алардын баары жаза алуудан бошотулду”, — деп айтылат маалыматта.
Абдыров 2025-жылдын күзүндө 17 жаштагы Айсулуунун өлүмүнөн кийин кармалган. Кыз зордукталып, андан соң муунтулуп өлтүрүлгөн. Тергөөнүн маалыматы боюнча, Абдыров ар кайсы жылдары кыз-келиндерге кол салып, өлтүргөнүн мойнуна алган.
Мурдагы кол салуулардын бири боюнча ал соттолгон, бирок жеңил жаза алган. Тергөөнүн версиясына ылайык, ошол учурда Абдыров адвокат аркылуу Бишкек шаардык сотунун судьяларына 10 миң доллар пара берип, анын негизинде өкүм жеңилдетилген.
Быйыл февраль айында Абдыров өзү убактылуу абакта жаткан жеринен өлүү табылган.
Мурдагы кол салуулардын бири боюнча ал соттолгон, бирок жеңил жаза алган. Тергөөнүн версиясына ылайык, ошол учурда Абдыров адвокат аркылуу Бишкек шаардык сотунун судьяларына 10 миң доллар пара берип, анын негизинде өкүм жеңилдетилген.
Быйыл февраль айында Абдыров өзү убактылуу абакта жаткан жеринен өлүү табылган.
