РФ ТИМи: украин маселесин жөнгө салуу аракети ара жолдо калды
16:03 08.10.2025 (Жаңыртылды: 16:04 08.10.2025)
© Sputnik / Сергей Бобылев
/ Жазылуу
БИШКЕК, 8-окт. — Sputnik. Россия менен АКШ президенттеринин Аляскадагы жолугушуусунан кийин Украина маселесин жөнгө салуу боюнча күчөтүлгөн аракет европалыктардын аралашуусу менен ара жолдо калды. Бул тууралуу РФ тышкы иштер министринин орун басары Сергей Рябков билдиргенин РИА Новости жазды.
"Тилекке каршы, тараптардын эпке келүүсүн шарттаган Анкоридждеги ири импульс акыркы украиналык калгыча согушууну көксөгөн каршылаштардын аралашуусу менен ара жолдо калды. Буга биринчи кезекте европалыктардын деструктивдүү ишмердүүлүгү себеп. Биз аны ачык эле айтабыз", — деди Рябков.
"Томагавктар" тууралуу
Россия АКШны Украинага "Томагавк" берүү маселесине олуттуу мамиле жасоого чакырат;
Укаринага берилиши мүмкүн делген "Томагавк" ракеталары америкалыктардын жардамы менен гана колдонулушу мүмкүн;
Россиянын стратегиялык курал боюнча сунушунун Украинага "Томагавк" берүү ыктымалдыгы менен байланышы жок.
