https://sputnik.kg/20250905/orus-yapon-sogushu-1096337938.html
120 жыл мурун аяктаган орус-япон тиреши. Согуштун чоо-жайы. Видео
120 жыл мурун аяктаган орус-япон тиреши. Согуштун чоо-жайы. Видео
Sputnik Кыргызстан
БИШКЕК, 5-сен. — Sputnik. 1905-жылдын 5-сентябрында Россия менен Япония Портсмут келишимине кол коюп, ушуну менен орус-япон согушу соңуна чыккан. 05.09.2025, Sputnik Кыргызстан
2025-09-05T20:10+0600
2025-09-05T20:10+0600
2025-09-05T20:10+0600
дүйнөдө
россия
япония
согуш
чыгым
нааразычылык
https://sputnik.kg/img/07e9/09/02/1096260121_0:108:2731:1644_1920x0_80_0_0_3868ad372cb31c6f1e457b90cf3a2bd7.jpg
БИШКЕК, 5-сен. — Sputnik. 1905-жылдын 5-сентябрында Россия менен Япония Портсмут келишимине кол коюп, ушуну менен орус-япон согушу соңуна чыккан. Документке ылайык, Россия империясы контрибуция төлөбөй турган болуп, анткен менен Японияга Сахалиндин түштүк бөлүгүн берүүгө аргасыз болгон. Бул аймакты кийин Советтик армия Экинчи дүйнөлүк согуш учурунда кайтарып алган. Кургакта да, деңизде да жетишкен ийгилигине карабай Токио кыйын кырдаалга кептелген. Япония жаратылыш ресурсуна жарды эле, ал эми согушта куралданууга, ок-дарыга ого эле көп акча талап кылынган. Каражат насыянын эсебинен Улуу Британия менен АКШдан алынып, кийин мамлекеттик карыз эселеп өсүп кеткен. Согушту токтотпой уланта берүү өлкөнү экономикалык кыйроого кептемек. Япон армиясы абдан көп аскеринен ажыраган. Мисалы, Порт-Артурду алган жеңишинин куну 60 миң кишинин өмүрүнө татыган. Өлкө бийлиги минтип согушта жеңүүчү боло албай турганын жакшы түшүнгөн: Россиянын адамдык да, материалдык да ресурсу эбегейсиз эле. Транссибирь магистралы үзгүлтүккө учуратса да фронтко жардам жеткирүүнү токтоткон эмес. Япониялык профессор Сюмпэй Окамото абалды "Өлкөнүн келечеги бүдөмүк эле. Ошол учурда Россиянын армиясы үч эсе күчтүү болчу. Япон армиясын көбүнесе запастагы офицерлер баштаган, анткени кадрдык офицерлердин көбү өлтүрүлгөн же жаракат алган. Ал эми россиялык армиянын негизин Европадан жаңы келген даярдыгы мыкты аскерлер түзгөн" деп сүрөттөгөн. Япония Россияга катуу сокку ура алган эмес. Бул маалда Токиодо партиялар арасында катуу тиреш жүрүп жаткан: бири тынчтыкка келели десе, экинчиси контрибуция талап кылган. Япония Сахалинден да баш тартууга даяр болчу, бирок репарацияга (аскердик чыгымдын ордун толтуртуу) муктаждыгы да күч эле. 1905-жылы 23-августта алгач талапка көнбөгөн Николай II Сахалиндин түштүгүн берүүгө макул болуп, аскердик чыгымдын ордун толтуруудан караманча баш тарткан. Россия империясы "аймагы каршылаштын чабуулуна тушукпаган өлкө жеңилди деп саналбайт. Япон армиясы Россиянын ички аймагын ээлеп алган учурда гана контрибуция төлөө маселесинин көтөрүлүшүн түшүнүүгө аракет кылмакпыз" деген. Анткен менен япониялыктар тынчтык келишими пайда алып келген жок деген пикирде эле. Болуп көрбөгөндөй чыгымдан жана контрибуциянын ишке ашпай калышынан улам согуштун жыйынтыгына каршы нааразылык акцияларына 30 миңдей киши чыгып, митингдер 1906-жылдын январына чейин уланган. Ондогон жылдар өтүп, 1945-жылдагы Маньчжурия операциясынын жүрүшүндө Советтик армия 1,2 миллиондук Квантун армиясын талкалап, Түштүк Сахалин кайтарылып, Курил аралдарынын суверенитети калыбына келтирилген.
https://sputnik.kg/20250903/yaponiyany-zhenuugo-sssrdin-koshkon-salymy-1096289530.html
япония
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, япония, согуш, чыгым, нааразычылык
дүйнөдө, россия, япония, согуш, чыгым, нааразычылык
БИШКЕК, 5-сен. — Sputnik. 1905-жылдын 5-сентябрында Россия менен Япония Портсмут келишимине кол коюп, ушуну менен орус-япон согушу соңуна чыккан.
Документке ылайык, Россия империясы контрибуция төлөбөй турган болуп, анткен менен Японияга Сахалиндин түштүк бөлүгүн берүүгө аргасыз болгон. Бул аймакты кийин Советтик армия Экинчи дүйнөлүк согуш учурунда кайтарып алган.
Кургакта да, деңизде да жетишкен ийгилигине карабай Токио кыйын кырдаалга кептелген. Япония жаратылыш ресурсуна жарды эле, ал эми согушта куралданууга, ок-дарыга ого эле көп акча талап кылынган. Каражат насыянын эсебинен Улуу Британия менен АКШдан алынып, кийин мамлекеттик карыз эселеп өсүп кеткен. Согушту токтотпой уланта берүү өлкөнү экономикалык кыйроого кептемек.
Япон армиясы абдан көп аскеринен ажыраган. Мисалы, Порт-Артурду алган жеңишинин куну 60 миң кишинин өмүрүнө татыган. Өлкө бийлиги минтип согушта жеңүүчү боло албай турганын жакшы түшүнгөн: Россиянын адамдык да, материалдык да ресурсу эбегейсиз эле. Транссибирь магистралы үзгүлтүккө учуратса да фронтко жардам жеткирүүнү токтоткон эмес.
Япониялык профессор Сюмпэй Окамото абалды "Өлкөнүн келечеги бүдөмүк эле. Ошол учурда Россиянын армиясы үч эсе күчтүү болчу. Япон армиясын көбүнесе запастагы офицерлер баштаган, анткени кадрдык офицерлердин көбү өлтүрүлгөн же жаракат алган. Ал эми россиялык армиянын негизин Европадан жаңы келген даярдыгы мыкты аскерлер түзгөн" деп сүрөттөгөн.
Япония Россияга катуу сокку ура алган эмес. Бул маалда Токиодо партиялар арасында катуу тиреш жүрүп жаткан: бири тынчтыкка келели десе, экинчиси контрибуция талап кылган. Япония Сахалинден да баш тартууга даяр болчу, бирок репарацияга (аскердик чыгымдын ордун толтуртуу) муктаждыгы да күч эле. 1905-жылы 23-августта алгач талапка көнбөгөн Николай II Сахалиндин түштүгүн берүүгө макул болуп, аскердик чыгымдын ордун толтуруудан караманча баш тарткан.
Россия империясы "аймагы каршылаштын чабуулуна тушукпаган өлкө жеңилди деп саналбайт. Япон армиясы Россиянын ички аймагын ээлеп алган учурда гана контрибуция төлөө маселесинин көтөрүлүшүн түшүнүүгө аракет кылмакпыз" деген.
Анткен менен япониялыктар тынчтык келишими пайда алып келген жок деген пикирде эле. Болуп көрбөгөндөй чыгымдан жана контрибуциянын ишке ашпай калышынан улам согуштун жыйынтыгына каршы нааразылык акцияларына 30 миңдей киши чыгып, митингдер 1906-жылдын январына чейин уланган.
Ондогон жылдар өтүп, 1945-жылдагы Маньчжурия операциясынын жүрүшүндө Советтик армия 1,2 миллиондук Квантун армиясын талкалап, Түштүк Сахалин кайтарылып, Курил аралдарынын суверенитети калыбына келтирилген.
