Милиция тармагындагы 14 жетекчинин кызматы алмашып, кайра дайындалды

Максат Абдымомунов ИИМдин тергөө кызматынын өзгөчө маанилүү иштер боюнча башкармалыгынын жетекчиси болду. Ал эми аталган кызматта начальник болуп иштеп турган Азамат Жумабаев Талас облустук ИИБдин башчысынын сотко чейинки өндүрүш боюнча орун басары болуп дайындалды;

Мирбек Исагалиев Талас облустук ИИБдин башчысынын сотко чейинки өндүрүш боюнча орун басарлыгынан бошотулуп, ИИМдин тергөө кызматынын жетекчисинин (Абдымомуновдун - ред.) орун басары болду;

Сапарбек Аманкулов ИИМдин тергөө кызматынын көзөмөлдөө-методикалык башкармалыгынын башчысынан кетип, Ысык-Көл облустук ИИБдин башчысынын сотко чейинки өндүрүш боюнча орун басары болуп дайындалды. Анын мурдагы кызматына Урмат Баялиев келди;

Альтаир Исмаилов ИИМдин тергөө кызматынын башчысынан бошотулуп, Бишкек шаардык ИИББдин сотко чейинки өндүрүш боюнча орун басарлыгына дайындалды. Чүй ИИББдин башчысынын орун басарлыгынан бошотулган Мирланбек Насиров Альтаировдун кеткен кызматында жетекчинин милдетин убактылуу аткарып туруу үчүн келди;

Урмат Баялиев Бишкек шаардык ИИББдин жетекчисинин орун басары кызматынан бошотулуп, ИИМдин тергөө кызматынын көзөмөлдөө-методикалык башкармалыгынын начальниги болуп дайындалды. Анын мурдагы ордуна Нурдин Эшимкан уулу келди;

Чынарбек Майлыбеков ээлеген кызматынан бошотулуп, Чүй облустук ИИББдин башчысынын сотко чейинки өндүрүш боюнча орун басары кызматына дайындалды;

Айбек Жумагулов Жол кыймылынын коопсуздугу боюнча башкы башкармалыктын начальнигинин орун басары болду;

Манасбек Сыдыгалиев Бишкек шаардык башкы башкармалыгынын Кайгуул милициясынын жетекчилигине дайындалды;

Авазбек Досов ИИМдин Ысык-Көл облусу боюнча жол кыймылынын коопсуздугун камсыздоо боюнча бөлүм башчы болду.

Раимбек Тешебаев Чүй облустук ИИББдин башчысынын коомдук коопсуздук боюнча орун басарлыгына дайындалды.

Урмат Байтокоев Жол кыймылынын коопсуздугун камсыздоо боюнча башкы башкармалыгынын финансы-чарбалык башкармалыгынын башчылыгына дайындалды.