https://sputnik.kg/20250501/aksh-rf-ukrainalyk-ajmaktar-boyuncha-talabyna-makul-bolushu-mumkun--1093698380.html
АКШ Россиянын украиналык аймактар боюнча талабына макул болорун четке какпайт
АКШ Россиянын украиналык аймактар боюнча талабына макул болорун четке какпайт
Sputnik Кыргызстан
БИШКЕК, 1-май — Sputnik. АКШ украин жаңжалын жөнгө салуу аракеттеринин алкагында Россиянын аймактар боюнча талабынын кайсы бир бөлүгүнө макул болууга даяр. Бул... 01.05.2025, Sputnik Кыргызстан
2025-05-01T19:02+0600
2025-05-01T19:02+0600
2025-05-02T10:14+0600
россиянын донбассты коргоо боюнча атайын операциясы
дүйнөдө
россия
акш
украина
аймак
талап
макулдашуу
согуш
тынчтык
https://sputnik.kg/img/103146/17/1031461731_0:0:3566:2006_1920x0_80_0_0_3df0b6a5e7e491a0ea11fbcd41631c38.jpg
БИШКЕК, 1-май — Sputnik. АКШ украин жаңжалын жөнгө салуу аракеттеринин алкагында Россиянын аймактар боюнча талабынын кайсы бир бөлүгүнө макул болууга даяр. Бул тууралуу америкалык президенттин атайын өкүлү Кит Келлог Fox News телеканалына маек куруп жатып айтканын РИА Новости жазды. Келлог АКШ ушу тапта Украинадагы абалды жөнгө салуу боюнча сүйлөшүүлөрдөн чыгууда деген божомолду четке какты. Анын айтымында, Вашингтон Лондондогу жолугушуудан кийин 22 шарт коюлган документти алган, Киевдин өкүлдөрү менен европалыктар анын баарына макул болгон. Трамптын чабарманы Украина менен ЕБдин өкүлдөрү биринчи кезекте ок атышууну толук кандуу токтотууга кызыкдар экенин белгиледи. Алар мындай кадам тынчтык сүйлөшүүлөрүн шарттап, 30 күнгө созулушу керек деген пикирде экени кошумчаланды. Эскерте кетсек, өткөн жумада АКШ президенти Дональд Трамп Владимир Зеленскийди сындап, анын Крымды Россияныкы деп таануудан баш тартышы Москва менен сүйлөшүүлөргө кедергисин тийгизип жатканын айткан. Америкалык президент Украинада абал бүгүнкү күндө өтө начар экенин, эгер Зеленский тынчтыктан баш тартса үч жылдан кийин өлкөнү биротоло жоготорун билдирген болчу. Ишемби күнү РФ президентинин маалымат катчысы Дмитрий Песков Владимир Путин Трамптын атайын чабарманы Стив Уиткофф менен жолугушууда Киев менен эч кандай шарты жок эле сүйлөшүүлөргө даяр экенин тастыктаган. Анткен менен Песков Украина ушу кезге чейин Россия менен жолугушууга салган тыюусун ала электигин да эске салган. Россия Украинанын кепке келүү ниети жоктугун белгилеп келет. РФ ТИМинин расмий өкүлү Мария Захарова буга Зеленскийдин Лондондогу жолугушууну үзгүлтүккө учуратканын, Пасха учурундагы ок атышууну токтотуу сунушун жана энергетикалык объектилерге сокку урууга жарыяланган мораторийди көз жаздымда калтырганын мисал келтирген.
https://sputnik.kg/20250501/kelishim-aksh-ukraina-mineral-1093694199.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, украина, аймак, талап, макулдашуу, согуш, тынчтык
дүйнөдө, россия, акш, украина, аймак, талап, макулдашуу, согуш, тынчтык
БИШКЕК, 1-май — Sputnik. АКШ украин жаңжалын жөнгө салуу аракеттеринин алкагында Россиянын аймактар боюнча талабынын кайсы бир бөлүгүнө макул болууга даяр. Бул тууралуу америкалык президенттин атайын өкүлү Кит Келлог Fox News телеканалына маек куруп жатып айтканын
РИА Новости жазды.
"Кайсы бир бөлүгүнө макулбуз. Себеби азыр жасалып жаткан нерсенин баары сүйлөшүү болуп саналат", — деген ал.
Келлог АКШ ушу тапта Украинадагы абалды жөнгө салуу боюнча сүйлөшүүлөрдөн чыгууда деген божомолду четке какты. Анын айтымында, Вашингтон Лондондогу жолугушуудан кийин 22 шарт коюлган документти алган, Киевдин өкүлдөрү менен европалыктар анын баарына макул болгон.
Трамптын чабарманы Украина менен ЕБдин өкүлдөрү биринчи кезекте ок атышууну толук кандуу токтотууга кызыкдар экенин белгиледи. Алар мындай кадам тынчтык сүйлөшүүлөрүн шарттап, 30 күнгө созулушу керек деген пикирде экени кошумчаланды.
Эскерте кетсек, өткөн жумада АКШ президенти Дональд Трамп Владимир Зеленскийди сындап, анын Крымды Россияныкы деп таануудан баш тартышы Москва менен сүйлөшүүлөргө кедергисин тийгизип жатканын айткан. Америкалык президент Украинада абал бүгүнкү күндө өтө начар экенин, эгер Зеленский тынчтыктан баш тартса үч жылдан кийин өлкөнү биротоло жоготорун билдирген болчу.
Ишемби күнү РФ президентинин маалымат катчысы Дмитрий Песков Владимир Путин Трамптын атайын чабарманы Стив Уиткофф менен жолугушууда Киев менен эч кандай шарты жок эле сүйлөшүүлөргө даяр экенин тастыктаган. Анткен менен Песков Украина ушу кезге чейин Россия менен жолугушууга салган тыюусун ала электигин да эске салган.
Россия Украинанын кепке келүү ниети жоктугун белгилеп келет. РФ ТИМинин расмий өкүлү Мария Захарова буга Зеленскийдин Лондондогу жолугушууну үзгүлтүккө учуратканын, Пасха учурундагы ок атышууну токтотуу сунушун жана энергетикалык объектилерге сокку урууга жарыяланган мораторийди көз жаздымда калтырганын мисал келтирген.
