Адылбек Касымалиев ишин так аткарбаган мамлекеттик кызматкерлерге сөгүш берди
Жазылуу
БИШКЕК, 21-фев. — Sputnik. Президенттик администрациянын коллегиясынын отурумунун жыйынтыгында бир катар катаал чечимдер кабыл алынды.
Алсак, кызматтык милдетин талаптагыдай аткарбагандыгы, негизсиз иш сапарга чыккандыгы жана иш аткарууда кетирген катачылыгы үчүн айрым аткаминерлерге сөгүш жана катуу сөгүш жарыяланды.
Тизме:
жаратылыш ресурстары, экология жана техникалык көзөмөл министри Медер Машиев;
санариптик өнүктүрүү министринин биринчи орун басары Клим Омельченко;
санариптик өнүктүрүү министринин орун басары Сергей Слесарев;
эмгек, социалдык камсыздоо жана миграция министринин биринчи орун басары Мухтарбек Баймурзаев;
билим берүү министринин биринчи орун басары Бекжан Супаналиев;
жаратылыш ресурстары министринин биринчи орун басары Кубат Касейинов;
маданият министринин орун басары Тимурлан Ажымалиев;
эмгек, социалдык камсыздоо жана миграция министринин орун басары Кыял Жанузакова;
коргоо министринин биринчи орун басары Эрлис Тердикбаев;
саламаттык сактоо министринин орун басары Бубужан Арыкбаева;
саламаттык сактоо министринин орун басары Каарманбек Байдавлетов;
энергетика министринин орун басары Нурлан Садыков;
Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директорунун орун басары Максат Саргазаков;
Климаттык каржылоо борборунун директорунун орун басары Мирлан Үсөнканов;
жаратылыш ресурстары министринин орун басары Асель Раимкулова;
айыл чарба министринин орун басары Самат Насирдинов;
эмгек, социалдык камсыздоо жана миграция министринин орун басары Бакыт Дарманкул уулу;
билим берүү министринин орун басары Лира Самыкбаева.
