https://sputnik.kg/20240919/livandagy-zharyluudan-kaza-tapkandardyn-sany-20-kishige-zhetti-1088820383.html
Согуштун жаңы этабы. Ливандагы жарылуудан каза тапкандардын саны 20га жетти
Согуштун жаңы этабы. Ливандагы жарылуудан каза тапкандардын саны 20га жетти
Sputnik Кыргызстан
Израилдин коргоо министри Йоав Галант согуштун жаңы этабы башталганын жана анын очогу түндүк фронтко өткөнүн айтты. 19.09.2024, Sputnik Кыргызстан
2024-09-19T10:30+0600
2024-09-19T10:30+0600
2024-09-19T10:30+0600
дүйнөдө
ливан
израиль
“хезболлах” кыймылы
адам өлүмү
жарылуу
https://sputnik.kg/img/07e8/09/13/1088819973_0:160:3072:1888_1920x0_80_0_0_4ff643194bb3c7c3941b7de6410f2510.jpg
БИШКЕК, 19-сен. — Sputnik. Ливандын ар кыл райондорундагы жарылуулардан каза тапкандардын саны 20 кишиге, жаракат алгандар 450гө жетти. Бул туурасында РИА Новости өлкөнүн Саламаттык сактоо министрлигине таянып жазды. Соңку маалыматта мурда айтылып келгендей пейджерлердин эле эмес, эми эл рация, ноутбуктар да жарылып зыян тарткандыгы кабарланды. Алар негизинен "Хезболла" кыймылынын өкүлдөрү пайдаланган техника экени айтылып, Бейруттун ар кыл жерлериндеги үйлөрдөн, машиналардан, кеңселерден чыккан өрттүн видеолору тарады.Израилдин коргоо министри Йоав Галант согуштун жаңы этабы башталганын жана анын очогу түндүк фронтко өткөнүн (Ливан менен чектеш жер) билдирди. Аткаминер ЦАХАЛ, Жалпы коргонуу кызматы жана "Моссад" тышкы чалгындоо кызматы "кубандырган" жыйынтык көрсөткөнүн айткан. Израиль армиясы Башкы штабдын жетекчиси Ливан багытында "коргонуу жана чабуулдун" планын бекиткенин маалымдады.Ал арада Ливандын Байланыш министрлиги жарылган Icom V82 рациялары дилерден алынып, өлкөдө лицензиядан өтпөгөндүгүн билдирди.Япониялык ICOM компаниясы жарылууда колдонулган рация алардын да продукциясы болушу мүмкүндүгүн айткан.Адис видеоматериалды көргөндөн кийин "товар алынгандан кийин батареясы жардыруу үчүн жасалган башкасына алмаштырылган" деген жыйынтык чыгарган. Компаниядан бул моделди чыгаруу токтотулгандыгын жана бул товарлар четке кандай жолдор менен сатылып жатканы иликтене баштаганын айтышкан.РИА Новости аталган техниканы Россиядан да сатып алууга мүмкүн экенин берилген жарнамаларга таянып жазып чыкты. Маркетплейстерден анын сатыла турганы боюнча бир нече жарыя турганы жана баасы алты миң рублге чейин барары айтылды. Эске салсак, Ливанда каршылашуунун буга чейин болуп көрбөгөн ыкмалары колдонула баштады. Тагыраагы, 2024-жылдын 17-сентябрында пейджерлер жарылып, эки миңден ашык киши жабыркап, сегиз адам көз жумган. Бул Израилдин "Хезболлага" карата жасаган кезектеги каршылык операцияларынын бири экени айтылды. "Хезболланын" мүчөлөрү колдонгон пейджерлер менен рациялардын жарылышына Израилдин тиешеси бар экенин Axios порталы менен Fox News да кечээ билдиришти.
https://sputnik.kg/20240918/livan-izrail-zharyluu-raciya-sogush-1088814420.html
ливан
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, ливан, израиль, “хезболлах” кыймылы, адам өлүмү, жарылуу
дүйнөдө, ливан, израиль, “хезболлах” кыймылы, адам өлүмү, жарылуу
Согуштун жаңы этабы. Ливандагы жарылуудан каза тапкандардын саны 20га жетти
Израилдин коргоо министри Йоав Галант согуштун жаңы этабы башталганын жана анын очогу түндүк фронтко өткөнүн айтты.
БИШКЕК, 19-сен. — Sputnik. Ливандын ар кыл райондорундагы жарылуулардан каза тапкандардын саны 20 кишиге, жаракат алгандар 450гө жетти. Бул туурасында
РИА Новости өлкөнүн Саламаттык сактоо министрлигине таянып жазды.
Соңку маалыматта мурда айтылып келгендей пейджерлердин эле эмес, эми эл рация, ноутбуктар да жарылып зыян тарткандыгы кабарланды. Алар негизинен "Хезболла" кыймылынын өкүлдөрү пайдаланган техника экени айтылып, Бейруттун ар кыл жерлериндеги үйлөрдөн, машиналардан, кеңселерден чыккан өрттүн видеолору тарады.
Израилдин коргоо министри Йоав Галант согуштун жаңы этабы башталганын жана анын очогу түндүк фронтко өткөнүн (Ливан менен чектеш жер)
билдирди. Аткаминер ЦАХАЛ, Жалпы коргонуу кызматы жана "Моссад" тышкы чалгындоо кызматы "кубандырган" жыйынтык көрсөткөнүн айткан. Израиль армиясы Башкы штабдын жетекчиси Ливан багытында "коргонуу жана чабуулдун" планын бекиткенин маалымдады.
Ал арада Ливандын Байланыш министрлиги жарылган Icom V82 рациялары дилерден алынып, өлкөдө лицензиядан өтпөгөндүгүн билдирди.
Япониялык ICOM компаниясы жарылууда колдонулган рация алардын да продукциясы
болушу мүмкүндүгүн айткан.
"Жасалмалары колдонулгандыгын тана албайбыз, бирок пайдаланылган продукциялар биздин компанияныкы болушу да ыктымал. Эгерде чын эле ошондой болсо, анда алар — IC-V82лер", — деген компаниянын коопсуздук жана тышкы соода боюнча бөлүмүнүн жетекчиси Ёсики Эномото.
Адис видеоматериалды көргөндөн кийин "товар алынгандан кийин батареясы жардыруу үчүн жасалган башкасына алмаштырылган" деген жыйынтык чыгарган. Компаниядан бул моделди чыгаруу токтотулгандыгын жана бул товарлар четке кандай жолдор менен сатылып жатканы иликтене баштаганын айтышкан.
РИА Новости аталган техниканы Россиядан да сатып алууга мүмкүн экенин берилген жарнамаларга таянып жазып чыкты. Маркетплейстерден анын сатыла турганы боюнча бир нече жарыя турганы жана баасы алты миң рублге чейин барары
айтылды.
Эске салсак, Ливанда каршылашуунун буга чейин болуп көрбөгөн ыкмалары колдонула баштады. Тагыраагы, 2024-жылдын 17-сентябрында пейджерлер жарылып, эки миңден ашык киши жабыркап, сегиз адам көз жумган. Бул Израилдин "Хезболлага" карата жасаган кезектеги каршылык операцияларынын бири экени айтылды. "Хезболланын" мүчөлөрү колдонгон пейджерлер менен рациялардын жарылышына Израилдин тиешеси бар экенин Axios порталы менен Fox News да кечээ билдиришти.
