https://sputnik.kg/20240729/izrail-livan-sogush-raketalyk-sokku-1087426126.html
ЖМКлар Израиль Ливандын 15 калктуу аймагына сокку урганын жазышууда
ЖМКлар Израиль Ливандын 15 калктуу аймагына сокку урганын жазышууда
Sputnik Кыргызстан
Израилдин премьер-министри Биньямин Нетаньяху ишемби күнү Голан бийиктигине жасалган соккулар жоопсуз калбай турганын билдирген. 29.07.2024, Sputnik Кыргызстан
2024-07-29T11:54+0600
2024-07-29T11:54+0600
2024-07-29T11:55+0600
согуш
дүйнөдө
израиль
ливан
биньямин нетаньяху
https://sputnik.kg/img/07e8/07/1d/1087426254_0:160:3072:1888_1920x0_80_0_0_17b888b33827e747c46f72ca399ac311.jpg
БИШКЕК, 29-июл. — Sputnik. Израиль аскерлери Ливандын чыгышындагы жана түштүгүндөгү 15 калктуу конушка артиллериялык сокку урду. Бул тууралуу "Аль-Манар" телеканалына шилетеме кылып РИА Новости жазды.Маалыматка ылайык, Ливандын Тария, Хиям, Кфар-Кила, Мейс-эль-Жебаль, Маркаба, Бурж-эш-Шамали, Аль-Аббасия, Тайр, Харфа, Ан-Накура, Шихин шаарлары жана башка калктуу аймактары чабуулга туш болгон.Буга чейин Израилдин премьер-министри Биньямин Нетаньяху ишемби күнү Голан бийиктигине жасалган соккулар жоопсуз калбай турганын билдирген. Ал бул үчүн шииттик Хезболлах кыймылы жооп берерин айткан. Кийинчерээк Ynet порталы жогорку даражалуу аткаминерге шилтеме жасап, Израиль Ливанда согуштук аракеттерди күчөтүлгөн тартипте жүргүзүшү мүмкүн экенин билдирди.Эске салсак, ишембиде Голан бийиктигиндеги Маждаль-Шамс шаарына жасалга ракеталык соккудан 12 адам каза болуп, 19у жаракат алган. Алар жоопкерчиликти Ливанга жана "Хезболла" кыймылына жүктөөдө. Бирок беркилер ракеталык сокку жасабаганын айтышууда.Ал арада БУУнун баш катчысы Антониу Гутерриш сокку урууну сынга алып, тараптарды абалдын чыңалышына жеткирбөөгө чакырды.Голан бийиктиги деп аталган стратегиялык аймак Сирияга таандык болчу. 1967-жылдагы жана 1973-жылдагы араб-израиль согуштарынан кийин Израиль анын үчтөн эки бөлүгүнө ээлик кылып калган. Еврей өлкөсү бир тараптуу аталган аймактын суверендүүлүгүн жарыялаган, бирок аны БУУнун Коопсуздук кеңеши тааныган эмес. 2019-жылы ошол кездеги АКШнын президенти Дональд Трамп басып алынган Голан бийиктигин Израилдин аймагы катары тааныган.
https://sputnik.kg/20240728/izrail-khezbollanyn-livandagy-obyektilerine-sokku-urdu-1087406236.html
израиль
ливан
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
согуш, дүйнөдө, израиль, ливан, биньямин нетаньяху
согуш, дүйнөдө, израиль, ливан, биньямин нетаньяху
ЖМКлар Израиль Ливандын 15 калктуу аймагына сокку урганын жазышууда
11:54 29.07.2024 (Жаңыртылды: 11:55 29.07.2024) Израилдин премьер-министри Биньямин Нетаньяху ишемби күнү Голан бийиктигине жасалган соккулар жоопсуз калбай турганын билдирген.
БИШКЕК, 29-июл. — Sputnik. Израиль аскерлери Ливандын чыгышындагы жана түштүгүндөгү 15 калктуу конушка артиллериялык сокку урду. Бул тууралуу "Аль-Манар" телеканалына шилетеме кылып
РИА Новости жазды.
Маалыматка ылайык, Ливандын Тария, Хиям, Кфар-Кила, Мейс-эль-Жебаль, Маркаба, Бурж-эш-Шамали, Аль-Аббасия, Тайр, Харфа, Ан-Накура, Шихин шаарлары жана башка калктуу аймактары чабуулга туш болгон.
Буга чейин Израилдин премьер-министри Биньямин Нетаньяху ишемби күнү Голан бийиктигине жасалган соккулар жоопсуз калбай турганын билдирген. Ал бул үчүн шииттик Хезболлах кыймылы жооп берерин айткан. Кийинчерээк Ynet порталы жогорку даражалуу аткаминерге шилтеме жасап, Израиль Ливанда согуштук аракеттерди күчөтүлгөн тартипте жүргүзүшү мүмкүн экенин билдирди.
Эске салсак, ишембиде Голан бийиктигиндеги Маждаль-Шамс шаарына жасалга ракеталык соккудан 12 адам каза болуп, 19у жаракат алган. Алар жоопкерчиликти Ливанга жана "Хезболла" кыймылына жүктөөдө. Бирок беркилер
ракеталык сокку жасабаганын айтышууда.
Ал арада БУУнун баш катчысы Антониу Гутерриш сокку урууну сынга алып, тараптарды абалдын чыңалышына жеткирбөөгө чакырды.
Голан бийиктиги деп аталган стратегиялык аймак Сирияга таандык болчу. 1967-жылдагы жана 1973-жылдагы араб-израиль согуштарынан кийин Израиль анын үчтөн эки бөлүгүнө ээлик кылып калган. Еврей өлкөсү бир тараптуу аталган аймактын суверендүүлүгүн жарыялаган, бирок аны БУУнун Коопсуздук кеңеши тааныган эмес. 2019-жылы ошол кездеги АКШнын президенти Дональд Трамп басып алынган Голан бийиктигин Израилдин аймагы катары тааныган.
