Милдеттүү эмделе тургандардын тизмесин толуктоо сунушталды

© AFP / CHAIDEER MAHYUDDINЭмдөө. Архивдик сүрөт
Эмдөө. Архивдик сүрөт - Sputnik Кыргызстан, 1920, 14.05.2024
Жазылуу
БИШКЕК, 14-май — Sputnik. Саламаттык сактоо министрлиги милдеттүү эмдөөдөн өтө тургандардын тизмесин өзгөртүүнү сунуштады. Тиешелүү токтом долбоору коомдук талкууга коюлду.
Анын негиздемесинде тизме эпидемиологиялык көрсөткүчтөргө ылайык актуалдаштырылганы жана толукталганы белгиленген.
Жаңы тизме төмөндөгүдөй:
адамдар жана жаныбарлар үчүн жалпы инфекциялар боюнча жагымсыз аймактардагы айыл чарба, гидромелиоративдик, курулуш жана башка кыртыштарды казуу жана жылдыруу боюнча жумуштарды, даярдоо, өнөр жай, геологиялык, изилдөө, экспедициялоо, дератизациялоо жана дезинфекциялоо иштерин аткаргандар;
жалпы жугуштуу оорулар боюнча адам жана жаныбарлар үчүн жагымсыз болгон аймактарда токойлорду даярдоо, тазалоо жана жашылдандыруу, калктын ден соолугун чыңдоо жана эс алуу зоналарында иштегендер;
адамдар жана жаныбарлар үчүн жалпы инфекциялар боюнча жагымсыз чарбалардан алынган чийки затты жана мал чарба продукциясын даярдоо, сактоо, кайра иштетүү боюнча уюмдарда иштегендер;
адамдар жана жаныбарлар үчүн жалпы инфекциялар боюнча жагымсыз малды союу, андан алынган этти жана эт азыктарын даярдоо жана кайра иштетүү боюнча иштегендер;
адамдар жана жаныбарлар үчүн жалпы инфекциялар боюнча жагымсыз мал чарба фермаларындагы малды багуу жана мал чарба объектилерин күтүү менен байланышкан иштер;
кароосуз калган жаныбарларды кармагандар;
канализациялык курулуштарды, жабдууларды жана тармактарды тейлегендер;
саламаттык сактоо уюмдарындагылар, ошондой эле дары-дармек каражаттарын жана медициналык буюмдарды жүгүртүү чөйрөсүндөгү субъектилер;
жугуштуу оорулардын козгогучтарынын тирүү культуралары менен иштегендер;
адамдын каны жана биологиялык суюктуктар менен иштегендер;
бардык типтеги жана түрдөгү окуу жайларында иштегендер (анын ичинде репетитордук жана окутуу, иш-чаралар өтүүчү жерге карабастан);
маданият, эс алуу жана спорт чөйрөсүндөгү уюмдарда (музейлерде, көргөзмө залдарда, китепканаларда, спорт сарайларында, театрларда, кинотеатрларда, концерттик залдарда, маданий-көңүл ачуу мекемелеринде, балдар аянтчаларында, балдар лагерлеринде, спорттук жана эс алуу борборлорунда, фитнес-клубдарда, соода борборлорунда) иштегендер;
чачтарачкана жана сулуулук салондору тарабынан кызмат көрсөтүү (анын ичинде массаждын түрлөрү, депиляция, бетти тазалоо, татуировканын бардык түрлөрү).
Токтом долбоорунун максаты "Коомдук саламаттык сактоо жөнүндө" мыйзамды ишке ашыруу болуп саналары кошумчаланган.
Капсуладагы дары. Архив  - Sputnik Кыргызстан, 1920, 13.05.2024
Министр Бейшеналиев биоактивдүү кошулмаларды колдонууга каршы экенин айтты
Жаңылыктар түрмөгү
0