Бишкекте көмүрдү кайдан канчага сатып алса болот? Даректери
08:41 28.10.2023 (Жаңыртылды: 16:09 04.12.2023)
© Sputnik / Константин Михальчевский
/ Жазылуу
Антимонополия кызматы көмүргө эң жогорку бааны бекитти.
БИШКЕК, 28-окт. — Sputnik. Бишкек шаарынын мэриясы калаадагы көмүр саткан базалардын даректерин жана коюлган бааларды жарыялады.
Эскерте кетсек, Антимонополия кызматы көмүргө эң жогорку бааны бекиткен. Эми Бишкекте "Кыргыз көмүр" ишканасы менен келишими бар базада көмүрдүн бир тоннасы 4700 сомдон сатылат. Ал эми жеке тараптар тоннасын 5500 сомдон, тандалмаларын 6000 сомдон сата алат.
Ленин району
Мурманск көчөсү, 126 дарегиндеги көмүр базасында "Кара-Кече" көмүрүнүн тоннасы 4700 сомдон;
Мурманск көчөсү, 45/2 дарегинде "Кара-Жыра" көмүрүнүн тоннасы 6000 сомдон;
Мурманск көчөсү, 122 жана 122А даректеринде "Кара-Кече" көмүрү тоннасы 5500-6500 сомдон жогору;
Мурманск көчөсү, 1Б дарегинде "Кара-Кече" көмүрүнүн тоннасы 5500 сомдон;
Дэн Сяопин проспектиси, 306А дарегинде "Кара-Кече" көмүрүнүн тоннасы 4700 сомдон;
Дэн Сяопин проспектиси, 308/4 дарегинде "Кара-Кече" көмүрүнүн тоннасы 5800 сомдон;
Мурманск көчөсү, 1Б дарегиндеги "Шабыркүл" көмүрүнүн тоннасы 6000 сомдон;
Алыкулов көчөсү, 6Б дарегиндеги "Кара-Кече" көмүрүнүн тоннасы 4700 сомдон сатылууда.
Биринчи май району
"Ак-Босого" конушу, Профессор Зима көчөсү, 156А дарегинде тоннасы 6000 сомдон (30 тонна көмүр камдалды);
Щербаков көчөсү, 121, бир мүшөк көмүр 200 сомдон (200 мүшөк бар);
Махатма Ганди жана Жапаров көчөлөрүнүн кесилишинде тоннасы 6000 сомдон, тандалган көмүрдүн тоннасы 7000 сомдон (60 тонна бар);
Алтын-Бешик жаңы конушу, Алтын-Бешик жана Мидин көчөлөрүнүн кесилишинде тоннасы 6000 сомдон (70 тонна бар);
Дэн Сяопин көчөсү, 531 дарегинде бир мүшөк көмүр 280 сомдон (10 тонна бар) сатылууда.
Октябрь району
Төкөлдөш конушундагы "Аламүдүн" станциясында Казакстандын Кара-Жыра көмүрү тоннасы 6200 сомдон сатылууда.
Свердлов району
Достоевский көчөсү, 1 дарегинде көмүр сатылууда.
