https://sputnik.kg/20231010/salimovgo-tagylgan-ajyptar-1079281468.html
Көлбаевдин тобун каржылап, ишин колдоп турган. Салимовго тагылган айыптар
Көлбаевдин тобун каржылап, ишин колдоп турган. Салимовго тагылган айыптар
Sputnik Кыргызстан
Комитет Салимов Жаза аткаруу кызматынын түзөтүү мекемелеринде жазасын өтөп жаткан кылмыштуу топтун мүчөлөрү үчүн атайын колдоо көрсөтүп турганын белгиледи. 10.10.2023, Sputnik Кыргызстан
2023-10-10T11:48+0600
2023-10-10T11:48+0600
2023-10-10T12:01+0600
кыргызстан
укмк
камчы көлбаев
кылмыш
каржылоо
ишмердүүлүк
түрмө
турсунтай салимов
https://sputnik.kg/img/07e7/0a/0a/1079281631_101:129:1152:720_1920x0_80_0_0_5580ae4882d40538b4e8dc01da17e491.jpg
БИШКЕК, 10-окт. — Sputnik. УКМК кримтөбөл Камчы Көлбаевдин кылмыштуу тобуна тиешеси бар деп кармаган "Мадина" базарынын ээси, экс-парламентарий Турсунтай Салимовго коюлуп жаткан айыптар тууралуу айтып берди.Маалыматта 4-октябрда козголгон кылмыш ишинин алкагында Камчы Асанбектин (Көлбаев) рейдерлиги менен ээ болгон мүлктү жана активдерди адалдаштырууга тиешеси бар делген кылмыштуу топтун 20 активдүү мүчөсү кармалганы айтылат.Мындан тышкары, УКМК Салимов Жаза аткаруу кызматынын түзөтүү мекемелеринде жазасын өтөп жаткан кылмыштуу топтун мүчөлөрү үчүн атайын жардам жолдоп турганын белгиледи."Салимов "мыйзамдагы ууру" Камчы Асанбекти жана анын кылмыштуу байланыштарын өз кызыкчылыгы үчүн колдонуп келгени аныкталды. Кылмыш ишинин алкагында 9-октябрь күнү Салимовго айыбы угузулуп, Биринчи май райондук соту тарабынан 4-декабрга чейин камакка алуу чечими кабыл алынды", — деп айтылат маалыматта.Эскерте кетсек, Салимов кечээ айыбы угузулуп, камакка алынмай болгондон кийин сотто ден соолугу начарлап, тез жардам алып кеткен. Ал отурумда Көлбаев менен эч кандай байланышы болбогонун, коңшу жашагандыктан кээде гана учурашып турушканын билдирген.УКМК уюшкан кылмыштуулук менен күрөш уланарын, жыйынтыгы коомчулукка айтылып турарын кошумчалады.
https://sputnik.kg/20231010/akcha-chogultkan-kylmyshtuu-top-1079278100.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, укмк, камчы көлбаев, кылмыш, каржылоо, ишмердүүлүк, түрмө, турсунтай салимов
кыргызстан, укмк, камчы көлбаев, кылмыш, каржылоо, ишмердүүлүк, түрмө, турсунтай салимов
Көлбаевдин тобун каржылап, ишин колдоп турган. Салимовго тагылган айыптар
11:48 10.10.2023 (Жаңыртылды: 12:01 10.10.2023) Комитет Салимов Жаза аткаруу кызматынын түзөтүү мекемелеринде жазасын өтөп жаткан кылмыштуу топтун мүчөлөрү үчүн атайын колдоо көрсөтүп турганын белгиледи.
БИШКЕК, 10-окт. — Sputnik. УКМК кримтөбөл Камчы Көлбаевдин кылмыштуу тобуна тиешеси бар деп кармаган "Мадина" базарынын ээси, экс-парламентарий Турсунтай Салимовго коюлуп жаткан айыптар тууралуу айтып берди.
Маалыматта 4-октябрда козголгон кылмыш ишинин алкагында Камчы Асанбектин (Көлбаев) рейдерлиги менен ээ болгон мүлктү жана активдерди адалдаштырууга тиешеси бар делген кылмыштуу топтун 20 активдүү мүчөсү кармалганы айтылат.
"Булардын арасында узак убакыттан бери мурунку жана учурдагы криминалдык төбөлдөр менен байланышта болуп, алардын мыйзамсыз финансылык активдерин көбөйтүүгө жардам берип, топторунун ишмердүүлүгүн колдоп келген Турсунтай Салимов да бар. Ал Камчы Асанбектин кылмыштуу тобунун ишмердүүлүгүн каржылап, жазадан кутулуу үчүн укук коргоо органдарындагы, сот системасындагы жана башка мамлекеттик органдардагы кызмат адамдарын "сатып алууга" колдоо көрсөтүп турган", — деп айтылат кабарда.
Мындан тышкары, УКМК Салимов Жаза аткаруу кызматынын түзөтүү мекемелеринде жазасын өтөп жаткан кылмыштуу топтун мүчөлөрү үчүн атайын жардам жолдоп турганын белгиледи.
"Салимов "мыйзамдагы ууру" Камчы Асанбекти жана анын кылмыштуу байланыштарын өз кызыкчылыгы үчүн колдонуп келгени аныкталды. Кылмыш ишинин алкагында 9-октябрь күнү Салимовго айыбы угузулуп, Биринчи май райондук соту тарабынан 4-декабрга чейин камакка алуу чечими кабыл алынды", — деп айтылат маалыматта.
Эскерте кетсек,
Салимов кечээ айыбы угузулуп, камакка алынмай болгондон кийин сотто ден соолугу начарлап, тез жардам алып кеткен. Ал отурумда Көлбаев менен эч кандай байланышы болбогонун, коңшу жашагандыктан кээде гана учурашып турушканын билдирген.
УКМК уюшкан кылмыштуулук менен күрөш уланарын, жыйынтыгы коомчулукка айтылып турарын кошумчалады.
10 Тогуздун айы 2023, 10:24
