Радиостудия Sputnik Кыргызстан в Бишкеке - Sputnik Кыргызстан, 1920
Радио

Саякаттоонун психологиялык жактан кандай пайдасы бар?

© Sputnik / Асель СыдыковаПсихолог Нургүл Кеӊешбекова
Психолог Нургүл Кеӊешбекова  - Sputnik Кыргызстан, 1920, 15.05.2023
Жазылуу
Психолог Нургүл Кеӊешбекова саякаттаган аял ар кандай өзгөрүүлөргө даяр болуп, ошондой эле сабырдуулукка үйрөнөрүн айтты.
Саякаттоо бизди жашоодогу күтүлбөгөн окуяларга сабырдуу болууга жана ага акыл-эстүү жооп берүүгө үйрөтөт. Саякат аялда бактылуулук гормонун пайда кылат. Бул тууралуу Нургүл Кеӊешбекова Sputnik Кыргызстан радиосунун эфиринде маек куруп жатып билдирди.
Саякаттоонун психологиялык жактан кандай пайдасы бар?
Анын айтымында, саякаттаганда аял ар кандай өзгөрүүлөргө даяр болот.
"Аял күнүмдүк жашоодогу милдеттерди аткарып жатып андан тажайт. Бул анын мотивациясынын жоголушуна алып келет. "Жумуш – үй, үй – жумуш" деп эле жүргөндө аң-сезим жалкоо болуп, алсырап, стресске кептелет. Эгер аял саякатка чыга турган болсо, ал организмдин эмоционалдык абалына оӊ таасир этет. Нерв системасы активдешип, организмдеги бардык процесстер ойгонот. Натыйжада бардык сезимдер ого бетер жандуу, түстүү боло баштайт. Саякат бул жөн гана жер көрүү эмес. Саякатка чыкканда бизден талап кылынганды эмес, каалаганыбызды жасоо мүмкүнчүлүгү болот. Көп адамдар саякатка чыкканда кескин өзгөрөт. Каалаган көз карандысыздыкка, эркиндикке ээ болгондуктан, алар күч-кубаттын толкунун сезип, жаңы нерселерди жаратуу каалоосу ойгонот. Саякат — өзүн-өзү тарбиялоонун эң мыкты жолу. Биз адаттан тыш маданият, башка шаарлар, жергиликтүү тургундар менен таанышканыбызда ички дүйнөбүз байып, көз карашыбыз, дүйнө таанымыбыз кеңеет. Саякаттоо бизди жашоодогу күтүлбөгөн окуяларга сабырдуу болууга жана аларга акыл-эстүү жооп берүүгө үйрөтөт", — деди Кеӊешбекова.
Ал балдар энеден тарбия алгандыктан аял өзүн өнүктүрүп, көптү көрүп, үйрөнгөнү маанилүү экенин, аялдын эмоционалдык фону жалпы үй-бүлөгө пайдасын алып келерин кошумчалады.
Жаңылыктар түрмөгү
0