Россия тышкы саясаттын жаңы концепциясын бекитти
19:47 31.03.2023 (Жаңыртылды: 19:48 31.03.2023)
© Sputnik / Алексей Бабушкин
/ Жазылуу
БИШКЕК, 31-мар. — Sputnik. Россиянын президенти Владимир Путин өзүнүн жарлыгы менен өлкөнүн тышкы саясаты боюнча концепциясын бекитти.
РФ Коопсуздук кеңешинин туруктуу өкүлдөрү менен болгон жыйында Путиндин айткан кебинин урунттуу учурлары:
эл аралык жашоодогу кескин өзгөрүүлөр стратегиялык пландоо боюнча негизги документтерди оңдоп-түзөөгө талап жаратты;
конструктивдүү көз караштагы өнөктөштөр менен болгон байланышты кеңейтүүгө, дос эмес мамлекеттердин Россияга каршы кастык саясатын жүргүзүүдөн баш тартууга шарт түзүүгө өзгөчө көңүл бөлүү керек;
РФтин суверендүүлүгүн бекемдөө үчүн эмгектенип, дүйнөлүк көйгөйлөрдү чечүүдө жана акыйкаттуу көп полярдуу тартипти орнотууда анын ролун күчөтүү зарыл.
РФтин тышкы иштер министри Сергей Лавровдун кебинин урунттуу учурлары:
эл аралык чыңалуу соңку он жылдыкта болуп көрбөгөндөй күчөдү (Батыштын Россияны ар тараптан алсыздандырууга багытталган саясаты жаңы типтеги гибриддик согуш катары мүнөздөлдү);
эл аралык мамилелерде мыйзамдуулукту орнотууга басым жасалат;
РФке каршы кастык аракеттерге жооп катары симметриялык жана асимметриялык чара көрүү мүмкүнчүлүгү каралды;
Россия жана анын союздаштарына куралдуу кол салууну алдын алуу же сүрүп чыгарууга Куралдуу күчтөрдү колдонуу боюнча тезис киргизилип жатат;
АКШ — түздөн-түз антироссиялык линиянын анабашы. Ал эми Индия менен Кытай — Россиянын стратегиялык өнөктөштөрү;
РФтин стратегиялык кызыкчылыктарына ЕЭК, ЖККУ, КМШга таянуу менен евразиялык интеграцияны тереңдетүү кирет;
Кытай, Индия, ислам мамлекеттери, АСЕАН өлкөлөрү, Африка, Латын Америка жана Кариб бассейндери менен болгон стратегиялык өнөктөштүктүн потенциалын ачуу.
