Бишкекте бир жыл ичинде батирлердин баасы канчага өзгөргөн. Инфографика
Жазылуу
Бишкек шаарындагы батирлердин баасы кандай болуп өзгөргөндүгүн айтып беребиз.
Sputnik Кыргызстан ачык булактардагы маалыматтарды талдап, борбор калаадагы батирлердин баасына баам салып турат. Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип жана мейманкана тибиндеги) орточо наркын көрсөтүп беребиз. Ошондой эле ичин өзү оңдоп ала турган элиталык батирлердин баасы тууралуу статистиканы чогултабыз.
Бул сапар Бишкектеги батирлерин баасы бир жыл ичинде канчага өзгөргөндүгүнө баам салдык. Материалды даярдоодо 2022-жылдын ноябрына карата 1 185 жарнама каралган.
Өткөн жылы батирлердин бардык түрлөрү кымбаттады. Бир бөлмөлүүлөр орточо алганда 9 900 доллар турат. Эки жана үч бөлмөлүүлөр 9 500дөн 12 600гө чейин көтөрүлдү.
Ачык маалымат булактарындагы бир бөлмөлүү батирлердин 2022-жылдын ноябрь айындагы баасы төмөнкүдөй болду:
104-серия — 41 500 доллар (35 000ден 49 000ге чейин);
105-серия — 39 500 (28 000ден 47 500гө чейин);
106-серия — 44 500 (29 600дөн 56 500гө чейин);
"хрущевка" — 36 500 (27 000ден 43 000ге чейин);
жеке типтегилери (18ден 52 чарчы метрге чейин) — 39 400 доллар (19 000ден 61 500гө чейин);
бир бөлмөлүү ичин өзү бүтүрүп алчу "элитканын" баасы 36 000 (19 100дөн 79 600гө чейин).
Эки бөлмөлүү батирлердин орточо баасы:
104-серия — 49 000 доллар (39 500ден 65 500гө чейин);
105-серия — 55 500 (41 200дөн 67 500гө чейин);
106-серия — 56 500 (47 500дөн 77 000ге чейин);
"хрущевка" — 43 500 (31 000дөн 51 800гө чейин);
жеке типтегилери (41ден 99 чарчы метрге чейин) — 52 800 доллар (21 000ден 71 500гө чейин);
эки бөлмөлүү ичин өзү бүтүрүп алчу "элитканын" баасы 60 000 (32 000ден 95 000ге чейин).
Үч бөлмөлүү батирлердин орточо баасы:
104-серия — 61 500 доллар (43 200дөн 77 000ге чейин);
105-серия — 69 400 (39 500дөн 86 000ге чейин);
106-серия — 71 500 (55 100дөн 113 000ге чейин);
"хрущевка" — 51 900 (32 000ден 64 500гө чейин);
жеке типтегилери (46дан 160 чарчы метрге чейин) — 70 500 доллар (31 100дөн 175 000ге чейин);
ичин өзү бүтүрүп алчу үч бөлмөлүү "элитканын" баасы 2022-жылдын ноябрында 85 600 (44 000ден 151 000ге чейин).
Тема боюнча:
