200 млн. доллары кайда? Курултайда президенттен Ширшовдун убадасы суралды

© Фото / Pexels / PixabayКейстеги доллар акчалары. Архивдик сүрөт
Кейстеги доллар акчалары. Архивдик сүрөт - Sputnik Кыргызстан, 1920, 26.11.2022
Жазылуу
Аргынбаев Ширшовдун кадрларынын баары кызматка келгенин айтты.
БИШКЕК, 26-ноя. — Sputnik. Курултайга конок катары чакырылган Сапарбек Аргынбаев президент Садыр Жапаровдон Алексей Ширшовдун убадасы тууралуу сурады.
"Ширшовду башынан сылап тосуп алып, ал Максим Бакиевдин 200 миллион долларын алып келип берем дегенин айткансыздар. Ошол акча келдиби? Келсе кайсы эсепке түштү? Бүгүн Ширшовдун кадрларынын баары кызматка келди. Анын ичинде энергетика министри Таалайбек Ибраев бар. Ага 2010-жылдан бери алты жолу кылмыш иши ачылган. Эмне үчүн аны бүгүн министр кылып коюп жатасыңар?" — деди Аргынбаев.
Эске салсак, Кыргызстандын энергетика тармагында "серый кардинал" атыккан, "Дастан" трансулуттук корпорациясынын мурдагы жетекчиси Алексей Ширшов быйыл 10-майда кармалып, бирок кечкурун баш коргоо чарасы өзгөртүлүп, үй камагына чыгарылган.
Ошол кезде Жапаров Ширшов Максим Бакиевдин 200 миллион доллары камакта жаткан банкты таап, Кыргызстанга кайтарып берүүнү убадалаганын айткан.
Биринчи Элдик Курултай. Архивдик сүрөт - Sputnik Кыргызстан, 1920, 26.11.2022
Күлүп, мыскылдап отурасыңар, президент жазып жатат. Делегат министрлерди сындады
Жаңылыктар түрмөгү
0