Путин коопсуздук конференциясында эмнелерге токтолду. Маанилүү учурлар
18:24 16.08.2022 (Жаңыртылды: 18:25 16.08.2022)
© Sputnik / Михаил Климентьев
/ Жазылуу
Россия лидери аталган мамлекеттин өнөктөштөрүнө, пикирлештерине жасалган олуттуу мамиле, көп уюлдуу дүйнө, Украинадагы жаңжал тууралуу да кеп кылган.
БИШКЕК, 16-авг. — Sputnik. Россиянын президенти Владимир Путин Эл аралык коопсуздук боюнча Москвадагы X конференцияда сүйлөп, глобалдуу болуп турган бир топ темаларга кайрылды.
Sputnik Кыргызстан Путиндин аталган эл аралык иш-чарада сүйлөгөн сөздөрүнүн маанилүү учурларына токтолот.
Жаматтык Батыш европалык коопсуздук системасын бүлүндүрүп, НАТО чыгышты көздөй жылып бара жатат;
Россия өзүнүн союздаштарынын улуттук кызыкчылыгын, аларды коргоону жана муну менен катар эле демократиялык дүйнөнү курууга кадам жасашын камсыздайт;
АКШ Украинадагы жаңжалды создуктурууга аракет кылып жатат. Алар Украинадагыдай эле аракеттери менен Азия, Африка жана Латын Америкасындагы өлкөлөрдүн ортосуна от жагууда;
Россия Украинадагы атайын операцияны Бириккен Улуттар Уюмунун уставына толугу менен дал келтирип анан баштаган. Анда Россиянын коопсуздугун коргоо, Донбасстын жашоочуларын геноцидден алып калуу максаты коюлган;
Батыш өзүнүн дүйнөгө үстөмдүк кылуусун сактап калуу үчүн ар кыл чатактарга муктаж, бул максатында Украинаны кандуу булоонго салып берди;
Эл аралык укуктарга болгон урмат-сыйды кайра калыбына келтирүү керек жана Бириккен Улуттар Уюму сыяктуу түзүмдөрдүн позицияларын бекемдөө керек;
Азыркы, заманбап көп уюлдуу дүйнөнүн системасын бекемдөө менен гана дүйнөдөгү чыңалууну бошотуп, аскердик-саясий тармактагы тобокелдиктерди жок кылууга болот.
