"Тазалык" ишканасынын директору жана орун басары алмашты

© AFP 2022 / SIPHIWE SIBEKOАткаминер. Архив
Аткаминер. Архив - Sputnik Кыргызстан, 1920, 29.07.2022
Жазылуу
Yandex newsTelegram
Шаар тургундары мекеме таштандыны убагында алып кетпей жатканын айтып, нааразы болушкан.
БИШКЕК, 29-июл. — Sputnik. "Тазалык" ишканасынын директору Султан Алыбаев иштен бошотулду. Бул тууралуу мэриянын маалымат кызматы кабарлады.
Билдирмеге караганда, мэр Эмилбек Абдыкадыров мындай чечимди шаардыктардын "Тазалык" ишканасынын дарегине айтылган сын-пикир, нааразычылыгынан улам кабыл алган. Борбордун тургундары ишкана таштандыны убагында алып кетпей жатканын айтып, нааразы болушкан. Мындан улам "Тазалык" ишканасынын жетекчисинин орун басары да иштен бошотулганы кабарланды.
"Алардын ордуна Нурлан Касымов ишкананын жетекчиси, ал эми Марат Алдашкуров анын орун басары болуп дайындалды", — деп айтылат маалыматта.
Тиешелүү документтерге мэр Эмилбек Абдыкадыров кол койгон.
Офис кызматкери. Архив - Sputnik Кыргызстан, 1920, 26.07.2022
Президенттин жарлыгынан кийин 2000 мамлекеттик кызматкер жумуштан кетти
Жаңылыктар түрмөгү
0