"Ош" базардын жанындагы митинг. Мэрия соодагерлерге убада берди

© Sputnik / Эркин Садыков"Берекет Универсал" соода борборундагы сатуучулардын митинги
Берекет Универсал соода борборундагы сатуучулардын митинги - Sputnik Кыргызстан, 1920, 23.06.2022
Жазылуу
Соодагерлер соода борбордун ижара акысын көтөрүү чечимине каршы митингге чыгышкан.
БИШКЕК, 23-июн. — Sputnik. Бишкек мэрия "Берекет Универсал" соода борборундагы ижара акы жакынкы аралыкта жогорулабай турганын билдирди.
Бүгүн соодагерлер митингге чыгып, администрациянын ижара акысын көтөрүү боюнча чечимине каршы чыгышкан. Алар чарчы метр үчүн 40 сомдон төлөп келишсе, эми дагы 40 сомго жогорулатуу пландалып жатканын айтышкан.
Мэрия билдиргендей, борбор калаанын биринчи вице-мэри Мирлан Байгончоков, Ленин районунун башчысы Русланбек Тагаев жана "Берекет" ЖЧКнын директорлор кеңешинин төрагасы Болот Бегалиев сатуучулар менен жолуккан.
"Район башчысы директорлор кеңеши менен сүйлөшүүлөр жүрүп, соода орундары үчүн тарифтер жакынкы аралыкта көтөрүлбөй турганын билдирди", — деп айтылат маалыматта.
Натыйжада топтолгон соодагерлер орундарына кайткан.
 Министрлер кабинетинин төрагасы Акылбек Жапаров ККМге каршы митингге чыккандар менен жолугушуу учурунда - Sputnik Кыргызстан, 1920, 13.06.2022
Жапаров ККМге каршы митингге чыккандардын маселеси кандай чечилерин айтты
Жаңылыктар түрмөгү
0