https://sputnik.kg/20220512/armiyabyzdyn-kuchtuu-bolushu-uchun-karazhat-ayabajbyz-1064334751.html
Садыр Жапаров: армиябыздын күчтүү болушу үчүн каражат аябайбыз
Садыр Жапаров: армиябыздын күчтүү болушу үчүн каражат аябайбыз
Sputnik Кыргызстан
Президент өз сөзүндө Советтер Союзунун Баатыры Калыйнур Үсөнбеков да учурунда ушул департаментте иштегенин белгиледи. 12.05.2022, Sputnik Кыргызстан
2022-05-12T14:09+0600
2022-05-12T14:09+0600
2022-05-12T14:09+0600
кыргызстан
садыр жапаров
куттуктоо
армия
жаза аткаруу мамлекеттик комитети
https://sputnik.kg/img/07e5/05/1c/1052648198_0:0:2835:1595_1920x0_80_0_0_e14f3c9de5e7c97806aad56564ab7927.jpg
БИШКЕК, 12-май — Sputnik. Армиябыз күчтүү, мыкты коргонуу шартына ээ болушу үчүн бардык жактан колдоо көрсөтүп, каражат аябайбыз. Бул тууралуу президент Садыр Жапаров айтканын маалымат кызматы кабарлады.Билдирүүдө өлкө башчы Юстиция министрлигине караштуу Жаза аткаруу кызматынын Түзөтүү мекемелерин кайтаруу, соттолгондорду жана камакка алынган адамдарды конвой менен коштоп жүрүү департаментинин түзүлгөндүгүнүн 80 жылдыгына байланыштуу салтанаттуу иш-чарага катышканы айтылган.Жапаров аталган департамент даңктуу күжүрмөн жолду басып өтүп, Кыргызстандагы алгачкы аскердик бөлүктөрдүн бири экенин белгилеген.Президент өз сөзүндө Советтер Союзунун Баатыры Калыйнур Үсөнбеков да учурунда ушул департаментте иштегенин белгиледи. Мындан сырткары, турмуштук жана кызматтык бай тажрыйбасын кийинки муундар менен тең бөлүшүп, жаш жоокерлерди мекенчилдикке тарбиялоо үчүн чоң салымын кошуп келе жаткан департаменттин ардагерлерине ыраазычылык билдирген.Садыр Жапаров куттуктоосунун соңунда аскер кызматчыларына бекем ден соолук, үй-бүлөлүк бакыт, дүйнөдө жана Кыргызстанда тынчтык болушун каалады.
https://sputnik.kg/20220510/sadyr-zhaparov-el-mt-menen-50-mi-dollarlyk-stipendiya-bereli-dep-zhatabyz-1064293361.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, садыр жапаров, куттуктоо, армия, жаза аткаруу мамлекеттик комитети
кыргызстан, садыр жапаров, куттуктоо, армия, жаза аткаруу мамлекеттик комитети
Садыр Жапаров: армиябыздын күчтүү болушу үчүн каражат аябайбыз
Президент өз сөзүндө Советтер Союзунун Баатыры Калыйнур Үсөнбеков да учурунда ушул департаментте иштегенин белгиледи.
БИШКЕК, 12-май — Sputnik. Армиябыз күчтүү, мыкты коргонуу шартына ээ болушу үчүн бардык жактан колдоо көрсөтүп, каражат аябайбыз. Бул тууралуу президент Садыр Жапаров айтканын маалымат кызматы кабарлады.
Билдирүүдө өлкө башчы Юстиция министрлигине караштуу Жаза аткаруу кызматынын Түзөтүү мекемелерин кайтаруу, соттолгондорду жана камакка алынган адамдарды конвой менен коштоп жүрүү департаментинин түзүлгөндүгүнүн 80 жылдыгына байланыштуу салтанаттуу иш-чарага катышканы айтылган.
Жапаров аталган департамент даңктуу күжүрмөн жолду басып өтүп, Кыргызстандагы алгачкы аскердик бөлүктөрдүн бири экенин белгилеген.
"Өлкөбүздүн Куралдуу күчтөрүнүн катарында сиздердин департамент өзгөчө кызматы менен айырмаланып турат. Албетте, атайын контингент менен иш жүргүзүү — абдан татаал жана жоопкерчиликтүү кызмат. Күн-түн дебей, ысык-суукка чыдап, бардык кыйынчылыктарды жеңе билүү менен мамлекеттеги тынчтыкты жана туруктуулукту сактап, жүктөлгөн милдеттерди так жана ак ниет аткарып жатасыздар. Армиябыз күчтүү, мыкты коргонуу шартына ээ болушу үчүн бардык жактан колдоо көрсөтүүгө даяр экендигибизди жана ага каражат аябастыгыбызды баса белгилеп кетейин", — деди өлкө башчы.
Президент өз сөзүндө Советтер Союзунун Баатыры Калыйнур Үсөнбеков да учурунда ушул департаментте иштегенин белгиледи. Мындан сырткары, турмуштук жана кызматтык бай тажрыйбасын кийинки муундар менен тең бөлүшүп, жаш жоокерлерди мекенчилдикке тарбиялоо үчүн чоң салымын кошуп келе жаткан департаменттин ардагерлерине ыраазычылык билдирген.
Садыр Жапаров куттуктоосунун соңунда аскер кызматчыларына бекем ден соолук, үй-бүлөлүк бакыт, дүйнөдө жана Кыргызстанда тынчтык болушун каалады.
