Радиостудия Sputnik Кыргызстан в Бишкеке - Sputnik Кыргызстан, 1920
Радио

Шералиев: "Кыргыз почтасы" банк ачууну пландап жатат

© Sputnik / Табылды КадырбековСанариптик өнүктүрүү министрлигине караштуу "Кыргыз почтасы" мамлекеттик ишканасынын башкы директорунун орун басары Баялы Шералиев
Санариптик өнүктүрүү министрлигине караштуу Кыргыз почтасы мамлекеттик ишканасынын башкы директорунун орун басары Баялы Шералиев - Sputnik Кыргызстан, 1920, 22.04.2022
Жазылуу
Санариптик өнүктүрүү министрлигине караштуу "Кыргыз почтасы" мамлекеттик ишканасынын башкы директорунун орун басары Баялы Шералиев компания 2023-2024-жылдары "Почта банк" түптөөнү пландап жатканын айтты.
"Кыргыз почтасынын" кеңселери өлкөнүн бардык аймактарында жайгашкандыктан жарандарга банк кызматын көрсөтүүгө ыңгайлуу шарт түзүлөт. Мындай жагдай калкка жеринде финансылык операцияларды жүргүзүүгө жакшы мүмкүнчүлүк болот. Бул тууралуу Баялы Шералиев Sputnik Кыргызстан радиосунда маек куруп жатып билдирди.
Шералиев: "Кыргыз почтасы" банк ачууну пландап жатат
Анын айтымында, Россияда төрт жыл мурун "Почта банк" түзүлүп, учурда республиканын бардык аймагында ишмердүүлүгүн жүргүзүп, элдин калың катмарын тейлеген ири банк катары эсептелет.
"Кыргыз почтасынын" ачык акционердик коом болуп өзгөртүлүшү чечимдерди убагында чыгарууга, почта кызматынын ишин жакшыртууга, кызматташууларды жандандырууга, жаңы кызматтарды кошууга мүмкүнчүлүк ачылды. Мындан тышкары, 2023-2024-жылдары финансылык кызмат көрсөткөн "Почта банк" түзүүнү пландап жатабыз. "Кыргыз почтасы" Кыргызстандын аймагында эң көп филиалы бар мекеме. Бир дагы банктын мындай сандагы кеңсеси жок. Демек, ошол филиалдарды пайдаланып, калкка толук кандуу банк кызматын көрсөтүүгө болот. Анда бардык финансылык операцияларды жүргүзүп, насыя алып, депозит сактоого жана башка кызматты алууга мүмкүн. Кыргызстан почта бөлүмдөрүн колдонуу аркылуу банк кызматын көрсөтүү практикасын Россиядан үйрөнсө болот", — деди Шералиев.
Ошондой эле адис "Кыргыз почтасы" мамлекеттик ишканасы ачык акционердик коом болуп түзүлүшү менен өлкөгө инвестиция тартууга шарт жаралганын кошумчалады.
Жаңылыктар түрмөгү
0