Радиостудия Sputnik Кыргызстан в Бишкеке - Sputnik Кыргызстан, 1920
Радио

Болгонбаев: Чүй облустук театры имаратка муктаж

© Sputnik / Табылды КадырбековШаршен Термечиков атындагы Чүй облустук театрынын директору, КРдин эл артисти Азамат Болгонбаев
Шаршен Термечиков атындагы Чүй облустук театрынын директору, КРдин эл артисти Азамат Болгонбаев - Sputnik Кыргызстан, 1920, 27.03.2022
Жазылуу
Yandex newsTelegram
Шаршен Термечиков атындагы Чүй облустук театрынын директору, КРдин эл артисти Азамат Болгонбаев 30 жылдык тарыхы бар театр имаратка муктаж экендигин айтты.
Чүй облустук театры Сокулук районунда жайгашкан Военно-Антоновка айылындагы маданий борбордун имаратын алат. Тиешелүү документтери такталса, өкмөт аны театрга өткөрүп берет. Бул тууралуу Азамат Болгонбаев Sputnik Кыргызстан радиосунда маек куруп жатып билдирди.
Болгонбаев: Чүй облустук театры имаратка муктаж
Анын айтымында, Чүй облустук театры түптөлгөндөн бери 50дөн ашык спектаклди көрүүчүлөргө тартуулады.
"Чүй облустук театры имаратка муктаж. Бул маселени чечүү үчүн абдан көп аракет болгону менен ишке ашпай келет. Военно-Антоновка айылында жайгашкан чоң маданий борбор бар. Аны союз учурунда колунда бар колхоздор башка маданий үйлөрдөн чоңураак кылып салышкан экен. Ал имарат "Рассвет" деген мурдагы совхозго тийиштүү болгон. Кооператив болгондуктан СССР тарагандан кийин анын ээлиги ошол кооперативдин мүчөлөрүнө таандык болуп калган. Тиешеси бар адамдар менен сүйлөшүп, сатуу укугу менен өткөрүп берүүгө макулдугун беришкен. Демек, имараттын ээси өкмөткө сатууга даяр. Ал жердин баасы көз карандысыз компания тарабынан аныкталса, аны биз өкмөткө сунуш кылабыз", — деди Болгонбаев.
Ошондой эле адис Чүй облустук театрынын 30 жылдыгы мамлекеттик деңгээлде май айында белгиленерин кошумчалады.
Белгилей кетсек, 1961-жылы Венада өткөн ЮНЕСКОнун Эл аралык театр институтунун IX конгрессинде 27-мартты эл аралык театр күнү катары белгилөө бекитилген.
Жаңылыктар түрмөгү
0