Наркоз адамдын эс тутумуна таасир этеби? Анестезиологдун пикири

© Sputnik / Кирилл Брага / Медиабанкка өтүүОоруканадагы бейтап. Архив
Ооруканадагы бейтап. Архив - Sputnik Кыргызстан, 1920, 14.03.2022
Жазылуу
Медик операция жолу менен төрөй турган аллергиясы бар келиндерге белден ылдый эмес, жалпы наркоз берилерин кошумчалаган.
БИШКЕК, 14-мар. — Sputnik. Улуттук госпиталдын анестезиология жана реанимация бөлүмүнүн анестезиологу Уулжан Казатова Sputnik Кыргызстан агенттигине маек куруп жатып наркоздун адамга тийгизген таасирин түшүндүрүп берген.
"Наркозду көп алгандыктан унутчаак болуп калдым" дегендер көп. Мунун баары эле убактылуу көрүнүш жана ал бат эле өтүп кетет. Онкологиялык дарт менен жабыркагандар 1-2 эле жолу наркоз алса болот деген сөз жалган. Кээде залалдуу шишиктер кайра-кайра өсүп чыга бергендиктен ал адамдын өмүрүн сактап калуу керек болот. Наркоз алгандардын "унутчаак болуп калдык, башым көп ооруйт" деген даттануусу эле болбосо, андай деле кыйыр таасирлерин көргөн жокмун", — деген ал.
Медик бейтаптын наркозго аллергиясы болсо маселе кандай чечилерин түшүндүргөн.
"Ооруган жерге берилүүчү наркозго, антибиотиктерге жана лидокаин өңдүү ооруну сездирбөөчү препараттарга аллергиясы барлар көп. Ушундай маселе жаралып калса бейтапты аллергологго жөнөтөбүз. Алар анализ алып, кайсы дарыга аллергиясы бар экенин аныкташат. Биз ошого жараша наркоз беребиз. Негизи анестезиологиялык заттардын бир-экөөнө гана аллергия болушу мүмкүн. Баарына боло бербейт. Операция жолу менен төрөй турган аллергиясы бар келиндерге белден ылдый эмес, жалпы наркоз берилет", — деген дарыгер.
Анестезиолог Уулжан Казатованын маегин толугу менен Sputnik Кыргызстан агенттигинен окуй аласыздар.
Кош бойлуу аялды карап жаткан дарыгер. Архив - Sputnik Кыргызстан, 1920, 01.02.2022
Кыргызстанда операция менен төрөтүү акысыз! ММКФтин эскертүүсү
Жаңылыктар түрмөгү
0