Сабырбек Жумабеков иштен кетип, жамаатка жаңы жетекчини тааныштырды

© SputnikОртопед Сабырбек Жумабеков. Архив
Ортопед Сабырбек Жумабеков. Архив - Sputnik Кыргызстан, 1920, 14.02.2022
Жазылуу
Жумабеков кызмат ордун эмес, илимий практикалык мекемени сактап калуу аракетин көргөнүн белгилеп, жаңы жетекчи менен иштешип кетүүгө ишеним артарын айткан.
БИШКЕК, 14-фев. — Sputnik. Кайрадан түзүлүү алдында турган Бишкек шаардык травматология жана ортопедия илим изилдөө борборунун эмгек жамаатына директордун убактылуу милдетин аткаруучу Памир Муратов тааныштырылды. Бул тууралуу маалыматты Sputnik агенттигине Саламаттык сактоо министрлигинин маалымат катчысы Жылдыз Айгерчинова тастыктады.
Жаңы жетекчини эмгек жамаатка аталган борбордун иштен бошотулган жетекчиси Сабырбек Жумабеков өзү тааныштырган.
Жумабеков кызмат ордун эмес, илимий практикалык мекемени сактап калуу аракетин көргөнүн белгилеп, жаңы жетекчи менен иштешип кетүүгө ишеним артарын айткан.
"Министрдин орун басары жаңы директорду тааныштырайын деп келди. Түз, туура, жакшы кабыл алышыбыз керек. Памир Муратовичти мен жакшы билем, иштешкенбиз, убагында өзүм чоңойтком бул кишини. Баары жакшы болот, иштешип кетебиз деген ойдомун. Мен коллективде калып иштей берем. Өзүмдүн иш бөлмөмдө бейтаптарды кабыл алууну улантам", — деген Жумабеков.
Эске салсак, февралдын башында Саламаттык сактоо министрлиги Травматология жана ортопедия илим изилдөө борборун Шаардык клиникалык тез жардам ооруканасы кылып кайра түзүлөрүн билдирген. Анын алкагында саламаттык сактоо министри Бейшеналиев борбордун жетекчиси Сабырбек Жумабековду иштен алып, ордуна директордун милдетин аткаруучу кылып Гулия Кожакматованы дайындаган. Бирок кийинчерээк министрлик буйрукка өзгөртүү киргизип, оорукананы директордун ордуна башкы дарыгер башкарат деген чечим чыгарган. Ага чейин башкы дарыгер болуп Дамир Дүйшөнов дайындалган. Бирок министрлик травмотология борбору ооруканага айланганга чейин мекеменин жетекчиси директор деп аталып турарын белгиледи.
Бишкек шаардык травматология жана ортопедия илим изилдөө борбору. Архив - Sputnik Кыргызстан, 1920, 07.02.2022
Бишкек мэриясы Травматология борбору боюнча билдирүү таратты
Жаңылыктар түрмөгү
0