Журналисттин суроосуна кыжырланган Байден өтө одоно жооп берди. Видео

Жазылуу
Yandex newsTelegram
Под: АКШ президенти Жозеф Байден Fox New телеканалынын журналисти Питер Дусинин берген суроосуна кыжырланып, "мээси иштебеген иттин баласы" деп жооп узатты.
CNN телеканалы маалымдагандай, Ак үйдө болгон иш-чаранын ачылышына журналисттер дагы катышкан. Президент сүйлөп бүткөн соң ЖМК өкүлдөрүнөн залдан чыгып кетүүсүн суранышкан. Ошол учурда алар Байденге суроолору бар экенин айтып, чуру-чуу түшүп калышкан.
Ал ортодо Питер Дуси бир нече суроо берүүгө жетишкен. Байден аны өз саясатынын катуу сынчысы катары баалап, шакаба менен "менин сүйүктүү журналистим" деп атаган.
Журналист ага инфляция тууралуу суроо берип, Байден жаңы жооп бере баштаганда Ак үйдүн трансляциясы өчүрүлгөн.
Бирок C-Span сайтынын эфиринде президент журналистти карап туруп, эриндерин кыймылдатпоого аракет кылып, "бул кайдагы мээси иштебеген иттин баласы" (What a stupid son of a bitch) дегени көрүнүп калган.
Окуядан кийин Дуси сыртта түз эфирге чыгып, кесиптештери айтканын, өзү укпай калганын билдирген. Көп өтпөй журналист ага Байден телефон чалып, кечирим сураганын айтты.
"Жарым сааттан кийин уюлдук телефонума өзү чалып кечирим сурады. Мен курч суроолорду бере береримди айтып, ал "бул сенин милдетиң" деп жооп берди", — деди Дуси FoxNews телеканалынын эфиринде.
Ошондой эле ал президент тараптан демилге болгон соң экөө жакшы маектешкенин кошумчалады.
Тема боюнча:
Үргүлөп кеткен Байден. Глазгодогу саммиттен тартылган видео
Жаңылыктар түрмөгү
0