Үндү катуу чыгарбаңыз! Кар көчкү тууралуу ӨКМдин видеоинфографикасы
© Facebook / МЧС Кыргызстана
Жазылуу
Өзгөчө кырдаалдар министрлиги кар көчкү кооптуулугуна байланыштуу видеоинфографика менен эскертүү берди.
ӨКМ белгилегендей, кар көчкү коркунучу октябрдан апрель айына чейин сакталат.
Министрлик эмнелерди эске алуу керектигин айтты:
аба ырайына көңүл буруңуздар. ӨКМ тараткан аба ырайынын божомолдорун карап туруңуздар;
унаа жолдорунун абалына көңүл буруңуздар;
автоунаалардын аралыгы 500 метр болушу керек;
унааларга кышкы дөңгөлөктөр тагылышы шарт;
жаныңызда дайыма ысык чай куюлган термос, күрөк, чынжыр болушу керек;
кар көчкү түшүү кооптуулугу бар жерде жана табигый кырсыктын бул түрү болуп жатканда катуу добуш чыгарбаңыз;
кар көчкү басып калса дүрбөлөңгө түшүп, кыйкырбаңыз. Ал токтогондон кийин бет маңдай менен көкүрөк тушту тазалап, бошотуңуз. Бул дем алганга жардам берет;
Кар көчкү болсо 112 кызматына, Тез жардамга, жакындарыңызга чалып же болбосо аймактык администрацияларга байланышуу керек.
Тема боюнча:
