Беспорядки в Казахстане из-за повышения цен на газ - Sputnik Кыргызстан, 1920, 05.01.2022
Казакстан: 2022-жылдагы газ митингдери
2022-жыл жаңырары менен Казакстанда автоунаага газдын кымбаттап кетишинен улам митингдер башталып, 5-январга караган түнү митингчилер менен күч түзүмдөрү кагылышты. Президент Касым-Жомарт Токаев өзгөчө абал режимин киргизип, ЖККУдан жардам сураган. Учурда өлкөдө кырдаал турукташты.

Полициянын өрттөнгөн унаалары. Алматыда митингчилерди аянттан сүрүп чыкты. Видео

© REUTERS / PAVEL MIKHEYEVБеспорядки в Казахстане из-за повышения цен на газ
Беспорядки в Казахстане из-за повышения цен на газ - Sputnik Кыргызстан, 1920, 05.01.2022
Жазылуу
Аянтта калаа мэриясы, андан ары жакта мамлекет башчынын резиденциясы жайгашкан.
БИШКЕК, 5-янв. — Sputnik. Алматынын борбордук "Республика" аянтына чогулган митингчилерди күч түзүмдөрү сүрүп чыгып, алар учурда ар кайсы көчөлөргө жүрүшкө чыкты. Бул туурасында РИА Новости жеринде жүргөн кабарчысына таянып билдирди.
Борбордук аянтта калаа мэриясы, андан ары жакта мамлекет башчынын резиденциясы жайгашкан.
Күч түзүмдөрү чогулгандарды кулак тундуруучу граната жана көздөн жаш агызуучу газ колдонуп ар тарапка тараткан. Кээ бирлерин полиция кызматкерлери кармап кеткен.
Бир аздан соң бир нече топко бөлүнгөн митингчилердин башка көчөлөрдө жүрүш уюштурууга аракет кылып жатканы байкалган. Аларды дагы күч түзүмдөрү барып кармап кетүүдө.
Ага улай эле социалдык тармактарга жолдун ортосунда күйүп жаткан полиция автоунааларынын видеосу тарап жатат.
Казакстанда 2-январда башталган нааразылык митингдери улам курчуп отуруп, 4-январда эл полиция менен кагышууга жетти. Нааразылыктар автоунаанын газына куя турган баанын кымбатташынан башталган. Бийлик бааны арзандаткандан кийин да кырдаал тынчыган жок. Күч түзүмдөрү митингчилерди күч колдонуп таратууга киришти. Бирок эл да каршылык көрсөтүп, кайра күч алууда.
Казакстандын ИИМ кызматкери. Архив - Sputnik Кыргызстан, 1920, 05.01.2022
Казакстанда күч алган митинг. Учурдагы кырдаалдан онлайн-репортаж
Жаңылыктар түрмөгү
0