https://sputnik.kg/20220101/zuuldata-lyzha-tepken-prezident-zhaparov-turistterdi-kyrgyzstanga-chakyrdy-1060901476.html
Зуулдап лыжа тепкен Садыр Жапаровдун туристтерди Кыргызстанга чакырган видеосу
Зуулдап лыжа тепкен Садыр Жапаровдун туристтерди Кыргызстанга чакырган видеосу
Sputnik Кыргызстан
Ысык-Көлдөгү Каракол тоо лыжа базасында эс алып жүргөн президент Садыр Жапаров Кыргызстанга туристтерди эс алып кетүүгө чакырды. Бул туурасындагы видеону ал... 01.01.2022, Sputnik Кыргызстан
2022-01-01T19:17+0600
2022-01-01T19:17+0600
2022-01-01T19:26+0600
кыргызстан
каракол
садыр жапаров
турист
тоо-лыжа базасы
жарнама
видео
https://sputnik.kg/img/07e6/01/01/1060905423_0:13:1200:688_1920x0_80_0_0_d2b6a8950b2761ad68a3858cc54bdd83.jpg
Видеого Каракол лыжа базасынын асмандан көрүнүшү, андан соң жантайыңкы боордон ыкчамдык менен зуулдап лыжа тээп бара жаткан спорттук ак кийимчен киши тартылган. Ал ылдамдык менен келип, бурулуп токтоп, спорттук көз айнегин чечкенде президент Садыр Жапаров экенин көрүүгө болот.Видео бүгүн, 2022-жылдын биринчи күнүндө, 1-январда тартылган. Мамлекет башчы Кыргызстандагы кышкы туризмди айтып, республика аймагындагы лыжа базаларын, андагы артыкчылыктарды, туристтер токтой турган шарттары бар мейманканаларды санап өткөн.Мындай ыкма менен ал Кыргызстандын керемет жаратылышына эс алып кетүүгө башкаларды чакырып, туризмди жарнама кылган.Роликтен жакынкы жана алыскы чет өлкөлөрдөн лыжа тепкени, эс алганы келген туристтердин аталган база туурасындагы айткан оң пикирлерин да угууга болот.Министрликтин маалыматы боюнча, өлкөдө жалпысынан 23 тоо лыжа базасы бар, азыр анын 17си иштейт. Заманбап тоо лыжа базалары негизинен Чүй менен Ысык-Көлдө жайгашкан. Кыргызстанда лыжа тебүү сезону ноябрь-декабрь айларында башталып, апрелге чейин созулат. Ал эми лыжа тебүү үчүн эң ыңгайлуу мезгил — февраль жана март айлары.
каракол
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, каракол, садыр жапаров, турист, тоо-лыжа базасы, жарнама, видео, видео
кыргызстан, каракол, садыр жапаров, турист, тоо-лыжа базасы, жарнама, видео, видео
Зуулдап лыжа тепкен Садыр Жапаровдун туристтерди Кыргызстанга чакырган видеосу
19:17 01.01.2022 (Жаңыртылды: 19:26 01.01.2022) Ысык-Көлдөгү Каракол тоо лыжа базасында эс алып жүргөн президент Садыр Жапаров Кыргызстанга туристтерди эс алып кетүүгө чакырды. Бул туурасындагы видеону ал социалдык тармактагы баракчасына жайгаштырган.
Видеого Каракол лыжа базасынын асмандан көрүнүшү, андан соң жантайыңкы боордон ыкчамдык менен зуулдап лыжа тээп бара жаткан спорттук ак кийимчен киши тартылган. Ал ылдамдык менен келип, бурулуп токтоп, спорттук көз айнегин чечкенде президент Садыр Жапаров экенин көрүүгө болот.
Видео бүгүн, 2022-жылдын биринчи күнүндө, 1-январда тартылган.
Мамлекет башчы Кыргызстандагы кышкы туризмди айтып, республика аймагындагы лыжа базаларын, андагы артыкчылыктарды, туристтер токтой турган шарттары бар мейманканаларды санап өткөн.
"Бул база дүйнөдөгү эң мыкты ондуктун катарына кирет. Трассанын узундугу 4,5 чакырымды түзөт. Бардык шарты менен беш жылдыздуу мейманкана бар. Чүй облусунда да лыжа базаларыбыз бар. Чет элдик досторду жана туристтерди эс алып кетүүгө чакырам", — деген президент.
Мындай ыкма менен ал Кыргызстандын керемет жаратылышына эс алып кетүүгө башкаларды чакырып, туризмди жарнама кылган.
Роликтен жакынкы жана алыскы чет өлкөлөрдөн лыжа тепкени, эс алганы келген туристтердин аталган база туурасындагы айткан оң пикирлерин да угууга болот.
Министрликтин маалыматы боюнча, өлкөдө жалпысынан 23 тоо лыжа базасы бар, азыр анын 17си иштейт. Заманбап тоо лыжа базалары негизинен Чүй менен Ысык-Көлдө жайгашкан. Кыргызстанда лыжа тебүү сезону ноябрь-декабрь айларында башталып, апрелге чейин созулат. Ал эми лыжа тебүү үчүн эң ыңгайлуу мезгил — февраль жана март айлары.
