Россиялык борбор кыргыз ишкерлерине жеңилдетилген насыя берүү ниетинде

© Sputnik / Виталий Тимкив / Медиабанкка өтүүАкча каражаттары. Архив
Акча каражаттары. Архив - Sputnik Кыргызстан, 1920, 11.11.2021
Жазылуу
Учурда жеңилдетилген кредитти өндүргөн продукцияларын Кыргызстанга экспорттоп жаткан россиялык бизнесмендердин алууга мүмкүнчүлүгү бар.
БИШКЕК, 11-ноя. — Sputnik. Россиядан товар сатып алган кыргызстандык ишкерлерге жеңилдетилген насыя берүү каралууда. Бул туурасында "Россиялык экспорттук борбор" ишканасынын агроөнөр жай комплексин колдоо боюнча долбоордун жетекчиси Денис Казанников билдирди.
Кыргызстанда россиялык компаниялардын көп тармактуу ишкердик миссиясы өтүп жатат. Чогулгандардын алдында сүйлөгөн Казанников аталган борбордун түзүмүндө кредиттик – кепилдик продукциялары жана камсыздандыруу боюнча иш жүргүзгөн агенттик бар экендигин айтты.
"Россиялык экспортчулар менен кыргызстандык сатып алуучуларга финансылык инструменттердин кеңири курамын тандоону сунуштайбыз. Бул тобокелдик болуп кетпесин деген көз караштан алганда ыңгайлуулуктарды түзүп берет, айландыра турган акчанын жетиштүүлүгүн камсыздайт. Тагыраагы, көп колдонулуп жүргөн россиялык экспортчулардын кыска мөөнөттөгү дебитордук карызын камсыздандыруу продуктусу, алардын кыргызстандык сатып алуучуларга мөөнөтүн кийинкиге жылдырууга мүмкүнчүлүк жаратат. Бул азыркы замандагы бизнесте кадыресе эле көрүнүш", — деген Казанников.
Бизнеске миллиондогон каражат бөлүнөт. РФ компанияларынын сапары видеодо - Sputnik Кыргызстан, 1920, 10.11.2021
Бизнеске миллиондогон каражат бөлүнөт. РФ компанияларынын сапары видеодо
Аны менен катар эле Кыргызстанга экспорт кылыш үчүн сырьену , материалды, продукцияны сатып алган россиялык жеткирүүчүлөргө жеңилдетилген коюм менен каражат сунушталып жатканы айтылды.
Мындан сырткары, жеңилдетилген шарттагы насыяны россиялык товарларды сатып алган ишкерлерге да берүү пландалып жатат. Казанников учурда муну кантип ишке ашыруу боюнча иштер жүрүп жаткандыгын кошумчалады.
Sputnik Кыргызстан эл аралык маалымат агенттиги жана радиосу иш-чаранын расмий өнөктөшү.
Жаңылыктар түрмөгү
0