БИШКЕК, 30-сен. — Sputnik. Бишкектин таксисттери Өкмөт үйүнүн алдына митингге чыгышты.
Алар кыргыз бийлигинен "Яндекс" такси-компаниясынын юридикалык макамын аныктоону жана өлкө аймагында анын өкүлчүлүгүнүн ачылышын талап кылышты.
Митингге чыккандар алар патент төлөп жаткандыктан кошумча 2 пайыз салык алуу адилетсиз деп эсептешкенин айтышкан. Алардын пикиринде салыкты айдоочулар эмес, "Яндекс" төлөшү керек.
Sputnik Кыргызстан комментарий алуу үчүн компаниянын электрондук дарегине кат жолдоп, жообун күтүп жатат.
