Радиостудия Sputnik Кыргызстан в Бишкеке - Sputnik Кыргызстан, 1920
Радио

Айтмурзаев: Бишкектин тургундары жылуулук системаларын текшертип коюшу керек

© Sputnik / Табылды КадырбековЗамначальника производственно-технического отдела Бишкекских тепловых сетей Нурлан Айтмурзаев
Замначальника производственно-технического отдела Бишкекских тепловых сетей Нурлан Айтмурзаев - Sputnik Кыргызстан, 1920, 19.09.2021
Жазылуу
"Бишкек жылуулук тармагы" ишканасынын өндүрүштүк-техникалык бөлүмүнүн башчысынын орун басары Нурлан Айтмурзаев борбордо күз-кыш мезгилдерине карата суу түтүктөрү толук реконструкциядан өткөнүн айтты.

Борбор калаа боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыкты. Мындай маалыматты Нурлан Айтмурзаев Sputnik Кыргызстан радиосунун эфиринде билдирди.

Айтмурзаев: Бишкектин тургундары жылуулук системаларын текшертип коюшу керек

Анын айтымында, ар бир шаар тургуну кышка жоопкерчилик менен даярданып, жылуулук системаларынын абалын көзөмөлдөп коюшу керек.

"Ар жылдын март-апрель айларында "Бишкек жылуулук тармагы" кезектеги күзгү-кышкы мезгилге карата даярдыкты дароо баштайт. Ушул жылдын 1-сентябрына карата Бишкекте 1946 метр эскирген түтүк оңдолуп, 350 арматура алмаштырылды. Мындан тышкары, 946 чарчы метрлик бузулган жылуулук изоляциясы калыбына келтирилди. Каралаев, Абдымомунов, Жумабек жана Ростовский көчөлөрү аркылуу өткөн суу түтүктөрү реконструкцияланды. Жалпысынан шаар боюнча 60 миллиметрден 133 миллиметрге чейинки диаметрдеги 475 түтүк алмаштырылды. Бишкек шаары боюнча турак-жайлардагы жарактан чыккан жылуулук жана ысык суу түтүктөрү алмаштырылып, пландалган иштер соңуна чыгып, 100 пайыз күз-кыш мезгилине даяр. Бул учурда шаар тургундары да өз турак-жайларындагы жылытуучу жабдыктарды текшерүүдөн өткөрүп коюшу керек. Бул кышкы суукта болуп кетүүчү ар кандай бузулуу, кырсыктардын алдын алат", — деди Айтмурзаев.

Ошондой эле адис абоненттерди жылуулук жана ысык сууга болгон карыздарды убагында төлөөгө чакырды.

Жаңылыктар түрмөгү
0