Радиостудия Sputnik Кыргызстан в Бишкеке - Sputnik Кыргызстан, 1920
Радио

Бекболотов: ВИЧке экспресс тестирлөө боюнча бир айлык жарыяланды

© Sputnik / Табылды КадырбековРеспубликалык СПИД борборунун директорунун орун басары Айбек Бекболотов
Республикалык СПИД борборунун директорунун орун басары Айбек Бекболотов - Sputnik Кыргызстан, 1920, 22.08.2021
Жазылуу
Республикалык СПИД борборунун директорунун орун басары Айбек Бекболотов аталган борбор ВИЧке экспресс тестирлөө боюнча бир айлык жарыяланганын айтты.

Акция жарандарды ВИЧ/СПИД көйгөйү тууралуу маалымдоого, калк арасында ВИЧ инфекциясынын жаңы учурларын алдын алууга, ошондой эле ооруну анонимдүү жана бекер диагностикалоону жогорулатууга багытталган. Бул тууралуу Айбек Бекболотов Sputnik Кыргызстан радиосунун эфиринде маек куруп жатып билдирди.

Бекболотов: ВИЧке экспресс тестирлөө боюнча бир айлык жарыяланды

Анын айтымында, экспресс тест-системалар донорлордун жардамы менен сатып алынган.

"Азыркы күндө калк арасында ВИЧ илдетин жуктуруп алып билбей жүргөндөр бар. Бирок алар башкаларга да жуктуруп жүрө бериши мүмкүн. Алсак, жылдап билбей жүргөндөр оорулуулардын 60 пайызын түзөт. Бул бейтаптар оору өтүшүп кеткенде кайрылып калып жатышат. Андыктан илдеттин жайылышын алдын алуу максатында ВИЧке экспресс тестирлөө боюнча бир айлык жарыяланды. Мында жети облустагы бардык СПИД борборлордон тестти акысыз алып, ошол жерден же үйдөн өзүн текшерсе болот. Мындай тажрыйба Россия, Европа өңдүү өнүккөн өлкөлөрдө колдонулуп келет. Бул мамлекеттердин эли экспресс-тестти дарыканалардан эле сатып алып өздөрүн текшерип турушат. Келечекте биз да ушундай деңгээлге жетип, тесттерди дарыканаларда кеңири сатууга мүмкүнчүлүк жаралат деп ойлойм. Бирок мыйзам боюнча, биз бир дагы адамды кыйнап тесттен өтүүгө мажбурлоого укугубуз жок. Болгону жакындарын, өзүн ойлоп текшерүүдөн өтүп коюуга чакырабыз. ВИЧ өлүмгө алып келүүчү оору эмес. Бүгүнкү маалда бир күндө бир жолу эле ичиле турган дарылар колдонулуп жатат. Бул адамдардын өмүрүнө жана жашоосунун узактыгына таасир этпейт. Дары-дармек колдонгон бейтаптын канында вирустар жок болгондуктан жанындагыларга же жыныстык өнөктөшүнө таптакыр оору жугузбайт. Орто эсеп менен бир жылда бейтаптын дарысы менен лабораториялык изилдөөлөргө 200-250 доллар кетет. Бул адамдар өмүр бою акысыз дарыланат", — деди Бекболотов.

Ал ВИЧ-инфекция 70 пайыз учурда жыныстык жол аркылуу жугуп жаткандыктан туш келди жыныстык катнашка барууну азайтып же сактанып жүрүүгө чакырды.

Жаңылыктар түрмөгү
0