Instagram жетекчиси тиркемеде масштабдуу өзгөрүүлөр болорун айтты
16:01 02.07.2021 (Жаңыртылды: 13:59 16.12.2021)
© Sputnik / Рамиль Ситдиков
/ Жазылуу
Компаниянын жетекчисинин айтымында, Instagram төрт багытта өнүгүүгө басым жасайт. Алар: блогерлик, видео, сервис аркылуу сатып алуулар жана кат алмашуу.
БИШКЕК, 2-июл. — Sputnik. Instagram тиркемесинин жетекчиси Адам Моссери жакынкы айларда социалдык тармакты чоң өзгөрүүлөр күтүп жатканын өзүнүн Twitter-аккаунту аркылуу кабарлады.
Changes are coming to video on Instagram 📺
— Adam Mosseri 😷 (@mosseri) June 30, 2021
At Instagram we’re always trying to build new features that help you get the most out of your experience. Right now we’re focused on four key areas: Creators, Video, Shopping and Messaging. pic.twitter.com/ezFp4hfDpf
"Биз мындан ары сүрөт менен бөлүшкөн тиркеме эмеспиз. Изилдөөлөрдүн жыйынтыгы элдин көпчүлүгү Instagram тармагын көңүл ачуу үчүн колдонорун көрсөттү. Биз муну кабыл алышыбыз керек, демек, өзгөрүүгө туура келет. Учурда биз төрт багытты өнүктүрүүгө басым жасап жатабыз. Алар: блогерлик, видео, сервис аркылуу сатып алуулар жана кат алмашуу", — деди Моссери.
Анын айтымында, мындан ары Instagram видеонун толук экран форматын өнүктүрүүгө басым жасайт. Ал эми колдонуучунун лентасына мурда катталбаса дагы сунушталган постторду чыгарып туруу пландалууда. Учурда сунушталган посттор атайын бөлүмчө аркылуу гана көрүнөт.
Моссери мындай өзгөрүүлөргө өнүгүп жаткан TikTok жана YouTube видеосервистери себеп болгонун жашырган жок.
