https://sputnik.kg/20210608/elbrusta-muzdun-zharakasyna-tushup-ketken-kishini-kutkargan-video-1052780731.html
Тарт, кеттик! Эльбруста муздун жаракасына түшүп кеткен кишини куткарган видео
Тарт, кеттик! Эльбруста муздун жаракасына түшүп кеткен кишини куткарган видео
Sputnik Кыргызстан
Эльбрус чокусунан түшүп келе жаткан эки альпинист багытынан адашып, алардын бири мөңгүдөгү жаракага түшүп кеткен. Окуя 5000 метрге чукул бийиктикте болгон. 08.06.2021, Sputnik Кыргызстан
2021-06-08T19:23+0600
2021-06-08T19:23+0600
2021-12-16T22:31+0600
жаңылыктар
дүйнөдө
видео
мультимедиа
альпинист
куткаруучу
россия
https://sputnik.kg/img/07e5/06/08/1052780695_0:0:1280:720_1920x0_80_0_0_280e220f6c78865bf67ff70ef5c663f9.jpg
Маалымат алгандан кийин Россиянын ӨКМинин Эльбрустагы издеп-куткаруу отрядынын жети кызматкери окуя болгон жерди көздөй жөнөгөн.Видеодон куткаруучулар 4900 метр бийиктиктен альпинистти издөөгө киришкенде шамал болуп, кар тозоңун учуруп жатканын, бир нече кадам жерди көрүү да кыйынчылык жаратканын байкоого болот.Анткен менен тажрыйбалуу адистер муздун жаракасына түшүп кеткен адамды акыры таап чыгышкан.Видеонун толук версиясын куткаруучулардын Instagram баракчасындагы elbrusgo5642 аккаунтунан көрүүгө болот.Издөө иштери бороон-чапкынга карабай уланган. Жабырланган кишини муздун жаракасынан Азау жайыгына алып чыгып, Тез жардам кызматкерлерине өткөрүп беришкен.Кадрдан алардын бири-бирине кыйкырып жаткан үндөрүн бурганак улам жулуп кетип жатканын көрүүгө болот. Алардын "таптык окшойт. Ал түшүп кеткен оюкту да кар жаап калыптыр..." деп өз ара сүйлөшүп жатканы угулат.Видеодон кыргыз тилдүүлөр котормосуз түшүнгөндөй "тарт, кеттик" деген куткаруучулардын биринин сөзүн да уга аласыз. Эске салсак, Эльбрус Россияга караган Кабардин-Балкар Республикасынын аймагында жайгашкан. Аймактын расмий тилдеринин бири — түрк тилине кирген карачай-балкар тили.Постун алдына алар "эгерде адам өмүрүн сактап калсаң, демек жөн жашаган жоксуң" деген дагы бир жакшы сөздү жазып коюшкан.Instagram баракчасына жарыяланган видеонун алдына denisbelgrad аттуу аккаунттун ээси куткаруучуларга ырахматын айткан.Эльбрус — Чоң Кавказдын каптал кырка тоосундагы обочолонгон эки чокулуу тоо. Батыш чокусунун бийиктиги 5 642 метр, бул Россиянын эң бийик жери. Ал эми чыгыш чокусунуку - 5 621 метр. Ал дүйнөдөгү эң бийик чокулардын бирине кирет.
https://sputnik.kg/20210525/everesttegi-kyrgyzdyn-kayrylusu-1052601147.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, дүйнөдө, видео, мультимедиа, альпинист, куткаруучу, россия
жаңылыктар, дүйнөдө, видео, мультимедиа, альпинист, куткаруучу, россия
Тарт, кеттик! Эльбруста муздун жаракасына түшүп кеткен кишини куткарган видео
19:23 08.06.2021 (Жаңыртылды: 22:31 16.12.2021) Эльбрус чокусунан түшүп келе жаткан эки альпинист багытынан адашып, алардын бири мөңгүдөгү жаракага түшүп кеткен. Окуя 5000 метрге чукул бийиктикте болгон.
Маалымат алгандан кийин Россиянын ӨКМинин Эльбрустагы издеп-куткаруу отрядынын жети кызматкери окуя болгон жерди көздөй жөнөгөн.
Видеодон куткаруучулар 4900 метр бийиктиктен альпинистти издөөгө киришкенде шамал болуп, кар тозоңун учуруп жатканын, бир нече кадам жерди көрүү да кыйынчылык жаратканын байкоого болот.
Анткен менен тажрыйбалуу адистер муздун жаракасына түшүп кеткен адамды акыры таап чыгышкан.
Видеонун толук версиясын куткаруучулардын Instagram баракчасындагы elbrusgo5642 аккаунтунан көрүүгө болот.
Издөө иштери бороон-чапкынга карабай уланган. Жабырланган кишини муздун жаракасынан Азау жайыгына алып чыгып, Тез жардам кызматкерлерине өткөрүп беришкен.
Кадрдан алардын бири-бирине кыйкырып жаткан үндөрүн бурганак улам жулуп кетип жатканын көрүүгө болот. Алардын "таптык окшойт. Ал түшүп кеткен оюкту да кар жаап калыптыр..." деп өз ара сүйлөшүп жатканы угулат.
Видеодон кыргыз тилдүүлөр котормосуз түшүнгөндөй "тарт, кеттик" деген куткаруучулардын биринин сөзүн да уга аласыз. Эске салсак, Эльбрус Россияга караган Кабардин-Балкар Республикасынын аймагында жайгашкан. Аймактын расмий тилдеринин бири — түрк тилине кирген карачай-балкар тили.
"5000 миң метрден ылдыйлап, аба ырайы бузулгандыктан катталган топтун бирөө муздун жаракасына түшүп кеткен. Ал жигит экинчи ирет төрөлдү, туулган күнүң менен. Катаал шартта таштап баса бербей, кырсык болгон аймактан кетпей турган досуна рахмат. Болбосо анын кайсы жерге түшүп кеткенин тапмак эмеспиз. Эльбрусчулар адам өмүрүн сактап калганга баладай сүйүнүп турабыз", — деп жазылган куткаруучулардын elbrusgo5642 аталышындагы баракчасында.
Постун алдына алар "эгерде адам өмүрүн сактап калсаң, демек жөн жашаган жоксуң" деген дагы бир жакшы сөздү жазып коюшкан.
Instagram баракчасына жарыяланган видеонун алдына denisbelgrad аттуу аккаунттун ээси куткаруучуларга ырахматын айткан.
"Ооруканадан чыксам силерге сөзсүз кирип кетем. Сиздер бүгүн менин өмүрүмдү сактап калдыңыздар. Өмүр бою унутпайм", — деп жазган ал.
Эльбрус — Чоң Кавказдын каптал кырка тоосундагы обочолонгон эки чокулуу тоо. Батыш чокусунун бийиктиги 5 642 метр, бул Россиянын эң бийик жери. Ал эми чыгыш чокусунуку - 5 621 метр. Ал дүйнөдөгү эң бийик чокулардын бирине кирет.
