Эмдөөдөн кийин күтүүсүз окуялар болсо кандай аракеттер көрүлөт. Расмий жооп

© AFP 2023 / MARVIN RECINOSМедициналык кызматкер эмдөө учурунда
Медициналык кызматкер эмдөө учурунда - Sputnik Кыргызстан, 1920, 24.03.2021
Жазылуу
Адистин белгилешинче, вакцина сайдыргандан кийин ар кандай окуялар болуп кетиши ыктымал. Алардын баарына эпидемиологиялык иликтөөдөн кийин жооп алынат.
БИШКЕК, 24-мар. — Sputnik. Өлкөдө коронавируска каршы эмдөөдөн кийин күтүүсүз окуялар болсо кандай аракеттер көрүлөрү, жоопкерчилик кимге жүктөлөрү өкмөттүк деңгээлде каралып жатат. Бул тууралуу Республикалык иммундук профилактика борборунун директору Гүлбара Ишенапысова билдирди.
Медициналык кызматкер COVID-19га тест алып жатат. Архив - Sputnik Кыргызстан, 1920, 24.03.2021
COVID эки адамдын өмүрүн алып, 115 кишиге жукту. Өлкөдөгү соңку статистика
Адистин белгилешинче, өлүм менен коштолгон учурда чукул кабар берилип, медиктер тезинен чара көрүп, бардык тийиштүү документтер 24 сааттын ичинде даярдалышы керек.
"Аталган маселе учурда өкмөттө каралып жатат. Бул чоң жоопкерчилик. Аны медиктер өзү эле мойнуна ала албайт. Жоопкерчилик боюнча келишим көп суроолорго жооп болот. Ошондуктан биз бул маселени өкмөттүн деңгээлине алып чыктык. Вакцинаны чыгарган тараптын, аны алган жактардын жоопкерчилиги белгилениши зарыл. Юридикалык жактар эске алынды. Ар бир күтүүсүз окуя тыкыр текшерилиши зарыл. Эң башкысы, биз илдеттин келип чыгуу себебин билишибиз керек", — деди ал.
Ал кошумчалагандай, эгер күтүүсүз жагдайлар жаралып кала турган болсо, анын баарына эпидемиологиялык иликтөөдөн кийин жооп алынат.
Жаңылыктар түрмөгү
0