https://sputnik.kg/20210210/kichi-pamirlik-turganbay-abdulvakhid-uulunun-bayany-1051395477.html
Тамгадан сөз кураларын билбептирмин... Памирлик жигиттин таасирдүү баяны
Тамгадан сөз кураларын билбептирмин... Памирлик жигиттин таасирдүү баяны
Sputnik Кыргызстан
Төрт жыл мурда Афганистандын Улуу жана Кичи Памир аймагынан 33 адам Кыргызстанга көчүрүлүп келгенден соң көптөрүнүн тагдыры башка нукка бурулду. Алардын бири... 10.02.2021, Sputnik Кыргызстан
2021-02-10T19:22+0600
2021-02-10T19:22+0600
2022-07-25T10:48+0600
жаңылыктар
коом
кыргызстан
мультимедиа
видео
улуу памир
кичи памир
турганбай абдулвахид уулу
этникалык кыргыздар
памир кыргыздары
https://sputnik.kg/img/07e5/02/0a/1051411664_0:0:1920:1080_1920x0_80_0_0_2f06f513442e50b8784b8929575042ae.jpg
Турганбай Абдулвахид уулу Нарындын Куланак айылында памирлик башка айылдаштары менен бирге күн кечирип, тамга таанып, сабатын жойду. Үч жыл ичинде тамгалап окугандан тарта 9-класска чейинки билимге ээ болду. Өзүнүн айтымында, бир жылда үч класстын сабагын өздөштүрүүгө туура келген.Ошентип жаш жигит азыр кыргыз коомуна бат эле аралашып, ал тургай Кыргызстанда туулуп-өскөн кандаштарынын суктануусун жаратып, билимге, илимге суусаган аракети кубаттоого арзып турган чагы.Турганбай азыр И. Арабаев атындагы Кыргыз мамлекеттик университетинин алдындагы колледждин биринчи курсунда кыргыз тили жана адабияты боюнча мугалимдик кесипке окуп жатат.Андан сырткары, социалдык тармакта өтө активдүү, Турганбай Памири деген ат менен интернет колдонуучуларга таанылып калган. Мекенчилдик багытындагы ырларды жатка айтып, аны видеого тартып, өзү кесип, оңдоп, ылайыктап жайгаштырууну да өздөштүрүп алган.Биз менен болгон маегинде Турганбай негизги максаты жакшылап билим алып, эки жакты көрүп, тажрыйба топтогондон кийин киндик каны тамган Памирдеги кандаштарына жардам берүү, окутуу экендигин айтты.Миграция кызматынын кайрылмандар жана качкындар бөлүмүнүн башчысы Жыпара Мамбетованын билдиргенине караганда, учурда Кыргызстанда Афганистандан көчүрүп келгендерди жана бир жерде туулгандарды эсептегенде 106 адам жашайт. Учурда бир кишиден башкасы кайрылман макамын алышкан. Ал эми бирөө Кыргызстан жараны болгон.
https://sputnik.kg/20201124/pamirdik-ajymdyn-maegi-1050540676.html
улуу памир
кичи памир
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, мультимедиа, видео, улуу памир, кичи памир, турганбай абдулвахид уулу, этникалык кыргыздар, памир кыргыздары, бишкек, памирлик кыргыздар
жаңылыктар, коом, кыргызстан, мультимедиа, видео, улуу памир, кичи памир, турганбай абдулвахид уулу, этникалык кыргыздар, памир кыргыздары, бишкек, памирлик кыргыздар
Тамгадан сөз кураларын билбептирмин... Памирлик жигиттин таасирдүү баяны
19:22 10.02.2021 (Жаңыртылды: 10:48 25.07.2022) Төрт жыл мурда Афганистандын Улуу жана Кичи Памир аймагынан 33 адам Кыргызстанга көчүрүлүп келгенден соң көптөрүнүн тагдыры башка нукка бурулду. Алардын бири көзү алаңдаган, башка дүйнөгө кызыга караган, Нарын ал үчүн ири шаардай туюлган 16 жаштагы өспүрүм эле.
Турганбай Абдулвахид уулу Нарындын Куланак айылында памирлик башка айылдаштары менен бирге күн кечирип, тамга таанып, сабатын жойду. Үч жыл ичинде тамгалап окугандан тарта 9-класска чейинки билимге ээ болду. Өзүнүн айтымында, бир жылда үч класстын сабагын өздөштүрүүгө туура келген.
"Кыйынчылыктар кездешти, бирок билим алсам дегенде эки көзүм төрт болгон. 16 жашымда тамга тааныбай келип, бул жактан окудум. Буга чейин кыргызча сүйлөп жүрсөм да тамгадан сөз куралат дегенди билбейт экенмин. Алгач ушуга абдан таң калдым", — деди сөз арасында Турганбай Абдулвахид уулу.
Ошентип жаш жигит азыр кыргыз коомуна бат эле аралашып, ал тургай Кыргызстанда туулуп-өскөн кандаштарынын суктануусун жаратып, билимге, илимге суусаган аракети кубаттоого арзып турган чагы.
24 Жетинин айы 2020, 15:01
Турганбай азыр И. Арабаев атындагы Кыргыз мамлекеттик университетинин алдындагы колледждин биринчи курсунда кыргыз тили жана адабияты боюнча мугалимдик кесипке окуп жатат.
Андан сырткары, социалдык тармакта өтө активдүү, Турганбай Памири деген ат менен интернет колдонуучуларга таанылып калган. Мекенчилдик багытындагы ырларды жатка айтып, аны видеого тартып, өзү кесип, оңдоп, ылайыктап жайгаштырууну да өздөштүрүп алган.
Биз менен болгон маегинде Турганбай негизги максаты жакшылап билим алып, эки жакты көрүп, тажрыйба топтогондон кийин киндик каны тамган Памирдеги кандаштарына жардам берүү, окутуу экендигин айтты.
"Памирдеги кыйынчылыктарды, ал жердеги жаштардын мен сыяктуу кыялдарын, максаттарын билем. Себеби мен да 16 жашымда Кыргызстанга келип жатам. Бир кезде мен кандай күтсөм, алар да Кыргызстанга барсак деп ошондой күтүп жатышат. Аларды толугу менен көчүрүп келүүгө кудуретим жетпесе да, бул жактан көргөн, билген жакшы нерселерди үйрөтүп, окутуп, Кыргызстанга тартканга аракет кылам", — деди Турганбай Абдулвахид уулу.
Миграция кызматынын кайрылмандар жана качкындар бөлүмүнүн башчысы Жыпара Мамбетованын билдиргенине караганда, учурда Кыргызстанда Афганистандан көчүрүп келгендерди жана бир жерде туулгандарды эсептегенде 106 адам жашайт. Учурда бир кишиден башкасы кайрылман макамын алышкан. Ал эми бирөө Кыргызстан жараны болгон.
