Түн, айлананы кооздогон түндүк жаркырагы. Киттер ууга чыккан видео

Жазылуу
Норвегиялык сүрөтчү-фотограф жаратылыштын өзгөчө бир кубулушу – түндүк жаркырагы мезгилинде киттердин балыктарга ууга чыккан учурун тартып алган.

Бул туурасында "National Geographic Россия" сайты жазды.

Норвегиянын мамлекеттик телеканалынын (NRK) оператору Харалд Албригстен мындай сейрек көрүнүшкө кокусунан күбө болгон. Тагыраагы, техникаларын текшерип жатып, бул кереметти байкаган.

Видео тартылган аймак Тромс провинциясына караштуу Сёр-Квалёй деп аталган арал экендиги айтылды.

Түндүк жаркырагы. Архив - Sputnik Кыргызстан
Керемет, кудум жомоктогудай! Түндүк жаркырагынын видео, сүрөтү
Кадрдан түндө шарпылдаган суунун үнүн угуп, асмандагы түндүк уюл шооласынын фонунда бир нече кит жээкке абдан жакын, бейкапар сүзүп, балык уулап жүргөнүн көрүүгө болот.

Суунун жээгиндеги жаркырап турган электр жарыгынын, ак карлуу тоолордун коштоосунда асмандагы улам түсү алмашып турган керемет көрүнүш адамды башкача сезимге бөлөйт.

Күн менен түндүн күздөгү теңелүүсүнөн жазгысына чейин (21-сентябрь — 21-март) саат 18:00дөн 01:00гө чейин бул аймакты толугу менен караңгылык каптайт. Бирок бул мезгилдери эгерде асман ачык болсо, атактуу түндүк жаркырагын моокум кандыра көрүп жана камерага түшүрүп алууга болот.

Жаңылыктар түрмөгү
0
Алгач жаңыларыАлгач эскилери
loader