Радиостудия Sputnik Кыргызстан в Бишкеке - Sputnik Кыргызстан
Радио

Калбеков: иши стандартка туура келбеген жактоочу жазага да тартылышы мүмкүн

© Sputnik / Табылды КадырбековМамлекет кепилдеген юридикалык жардамды координациялоо борборунун директору Акжол Калбеков. Архив
Мамлекет кепилдеген юридикалык жардамды координациялоо борборунун директору Акжол Калбеков. Архив - Sputnik Кыргызстан
Жазылуу
Мамлекет кепилдеген юридикалык жардамды координациялоо борборунун директору Акжол Калбеков жактоочулар менен иштешүүдө белгилүү бир стандарттар каралгандыгын белгиледи.
Калбеков: иши стандартка туура келбеген жактоочу жазага да тартылышы мүмкүн

Биз менен иштешүүнү каалаган бардык адвокаттарга эшигибиз ачык. Болгону ал үчүн коюлган белгилүү бир стандарттарыбыз бар. Ал эрежелерди  сактаган жактоочулар мамлекет тарабынан акысын алып, ийгиликтүү иштей беришет. Бул тууралуу Акжол Калбеков Sputnik Кыргызстан радиосунун эфиринде маек куруп жатып билдирди.

Директордун айтымында, адвокаттардын жетишсиздиги аймактарда байкалат. Ошондуктан аталган мекеме мындан ары жактоочуларды бир райондон экинчи районго барып жаранды коргоого алуу ыкмаларын иштеп чыккан.

Калбеков: кирешеси айына 9000 сомдон ашпаган жаран акысыз жактоочу ала алат

"Мамлекет кепилдеген юридикалык жардамды координациялоо борбору менен бардык эле жактоочулар иштеше алат. Алар келип биздин реестрге катталып койгону менен жасаган ишинин сапаты кандай болот мына ушуга байланыштуу. Эгер жактоочу эң жөнөкөй талаптарды аткарбаса же аны менен иштешип жаткан жаран тарабынан арыздануу, ишине канааттанбоо боюнча арыз келип түшсө, мындай адвокаттарга гонорар төлөнбөйт. Борбордун атынан иштөөсүн токтотуп, ал тургай айрым учурда жоопко да тартылышы мүмкүн. Мындай кадамдар жактоочуга муктаж болгон адамдардын сапаттуу кызмат алышын шарттайт. Алар адвокаттын кызматынан акысыз колдонуп жатканы менен мамлекет бул багытта эбегейсиз каражаттарды коротуп жатат да. Ошондуктан жыйынтык болушу керек. Азыркы учурда адвокаттык стандарттарды киргизгенибиз жаман жагынан өзүн көрсөтө элек. Тескерисинче, сапаты артты", — деди Калбеков.

Ал жактоочуларга талап гана күчөтүлбөстөн гонорарынын көлөмү көбөйгөнүн да кошумчалады.

Жаңылыктар түрмөгү
0