ЖКнын премьерди тандоо боюнча жыйыны. Учурда эмне болуп жатат. Сүрөт, видео

Өкмөттүн курамы бекитилгенден кийин ЖКнын тармактык комитетинде шайлоо мыйзамдарына өзгөртүү киргизүүнү сунуштап жатышат. Анда шайлоо босогосун 3 же 1 пайызга түшүрүү, күрөөнүн суммасын 1 миллион сомго чейин азайтуу, №2 форманы жоюу, мамлекеттик кызматкерлер шайлоого катышса, кызматынан толук кетирүү каралган.

"Мыйзамдуулукту, туруктуулукту орнотконго бар күчүбүздү жумшайбыз. Рахмат, силерге”, - деди Жапаров жыйындын аягында. 

Мыктыбек Абдылдаев жыйында төрага Канатбек Исанв жана Садыр Жапаровдун соттуулугу боюнча маселени козгоду.

"Канат Исаев кайда экени билинбей деп ... кылмыш иши токтолуп калса керек. Прокуратура бул тууралуу эске алышы керек. Төрага муну эске алышы керек”, - деди Абдылдаев.

Ага жооп берген төрага "менин ишимде кылмыштын негизи жок деген соттун чечими турат”, - деди. 

Буга Садыр Жапаров да жооп берди.  

"Соттун чечими чыкты, демек, мен соттолгон эмесмин. Чыныгы кылмышкер болсом, премьер болоюн, элди башкарайын деп бир бута да басмак эмесмин. Коррупцияны жоеюн, мыйзамсыздыкты жок кылайын деп келе жатам. Мага кресло керек эмес", - деди Жапаров.

Депутат Жанар Акаев Садыр Жапаровго 5-6-7-октябрда митингге чыгып жаракат алып, ооруканага жаткандарга  компенсация кароо жагын эскертти. Андан сырткары Жапаровду сындагандарды коркутуп-үркүтүү кылгандарга  чыгып, кайрылууну, аларды токтотууну айтты.

Депутат Айсулуу Мамашова өкмөт башчылыгына көрсөтүлгөн айыл чарба, тамак-аш өнөр жайы жана мелиорация министри Эркинбек Чодуевди алмаштырууну сунуштады.

Ал пандемия маалында өз ишин жакшы көрсөтө албай калганын айтты.

Анын айтымында, өкмөттүн түзүмү менен программасы ошол эле бойдон калган. Ал эми өкмөттүн курамы 20 пайызга өзгөргөн.

Садыр Жапаров — премьер-министр ;
Артём Новиков — биринчи вице-премьер;
Равшан Сабиров — вице-премьер;
Максат Мамытканов — вице-премьер;
Аида Исмаилова — вице-премьер;
Бактыбек Аманбаев — өкмөттүн аппарат жетекчиси — министр;
Санжар Муканбектов — экономика министри;
Кыялбек Мукашев — каржы министри;
Эркинбек Чудуев — айыл чарба министри;
Бакыт Бердалиев — транспорт жана жолдор министри;
Марат Жаманкулов — юстиция министри;
Руслан Казакпаев — тышкы иштер министри;
Улан Ниязбеков — ички иштер министри;
Бообек Ажыкеев — өзгөчө кырдаалдар министри;
Алымкадыр Бейшеналиев — саламаттык сактоо министри;
Алмазбек Бейшеналиев — билим берүү жана илим министри;
Улукбек Кочкоров — эмгек жана социалдык өнүктүрүү министри;
Нуржигит Кадырбеков — маданият, маалымат жана туризм министри;

Депутат Аида Касмалиева ага коркутуулар болуп жаткандыгын жана дегеле коркутуулар боюнча Жапаров элге кайрылуу жасабагандыгын, бул аны чочуткандыгын айтты. Легимтимдүүлүк маселеси боюнча айтты. Соңунда депутат Жапаровдун ишине ийгилик кааларын, аны колдоорун айтты.

"Коркутуп, үркүтүү боюнча... элди кантип тыям. Мага карата экинчи, каршы күчтөр иштеп иштеп, бул сыяктуу билдирүүлөрдү таратууда. Ал эми легитимдүүлүк боюнча алдыңарга үч жолу келдик. Элге кайрылсам, эл кайра көтөрүлүп жатат. Биринчи макул деп коюп, кайра баш тартып жатат деген жана башка сөздөр чыгып кетеби дедим", - деп жооп берди Жапаров.  

Садыр Жапаров депутаттардын суроолоруна жооп берип жатат.

Жапаров жаш, таза иштейм деген жаштарды тартууга убада берип, буга аракет кылып жаткандыгын айтты.

"Саясий куугунтукту мендей көргөн, жон териси менен сезгендей адам араңыздарда жок болсо керек. Бир тууганым, балдарым, үй-бүлөм аны көрдү", - деди Жапаров. 

Депутат Дастан Бекешев алгачкы суроолорду берди. Ага жооп узаткан  Жапаров криминалдык күчтөр менен күрөшүгө убада берип, депутаттардын бул боюнча ага жардам беришин сурады. 

"Азыр жеке амбицияларды көрсөтө турган учур эмес. Биз жана биздин саясий өнөктөштөр өлкөнү экономикалык жана саясий кризистен  алып чыгуу  угуу үчүн биргелешкен аракеттерди жасашыбыз зарыл. консенсуска келип, Садыр Жапаровдун талапкерлигин колдоо чечимин кабыл алдык", - деди "Республика" партиясынын лидери, ЖК депутат Мирлан Жээнчороев. 

Эски аянтка чогулгандар талапкерлиги премьер-министрликке сунушталып жаткан Садыр Жапаровдун тарапташтары экени айтылууда.
Ушу тапта Өкмөт үйүнүн алдына 100дөн ашуун киши чогулуп турат. Акцияга келгендер өкмөт башчылыкка көрсөтүлүп жаткан Садыр Жапаровдун тарапташтары экени айтылды. Алар ЖК төрагасынын шайланышын жокко чыгарып, президент Сооронбай Жээнбековдун кызматтан кетүүсүн талап кылып жатышат.

ЖКнын бүгүнкү жыйынынан көрүнүш

"Кечинде дагы кан төгүүгө жол бербейли деп депутаттар Садыр Жапаровду колдойлу деген бир пикирге келдик. Кризистен алып чыгып кетем деп убада берип жатат. Алып чыгып кетет деп ойлойм, биз да четте карап турбай, жардам кылабыз”, - деди Акаев.

Ал коркутуп-үркүтүүлөрдөн коркпой тургандыгын, "анча-мынчадан корксо саясатка келмек эместигин" кошумчалады.

Жапаров бүдөмүк кишилерди кызматка алып келбеши керектигин, андай болсо катачылыктар кайра кайталанарын, анда кызматтан кетүүгө туура келерин айтты. 

Жанар Акаев ИИМ жетекчисине жолуккандыгын, абактагы Темирлан Султанбековдун абактан бошотуларына ал убада бергендигин журналисттердин суроолоруна жооп берип жатып кабарлады. 

Канатбек Исаев премьерликке бир гана Садыр Жапаровдун талапкерлиги сунушталгандыгын айтты.

"Өлкөдөгү туруктуулук, коомдук саясий абалдын жана саясий кризистин жоюлушуна парламент бул кадамы менен өзүнүн салымын кошту. Жыйындын легитимдүү жана легитимсиз болушу боюнча да сөз болуп жаткан. Өкмөттүн кураммын, программасын, талапкерин бекитсек, коомчулукта да бул сөздөр жокко чыгат", - деди Канатбек Исаев.

 83 депутат катышып отургандыгы айтылды. Сегиз ишеним кат түшкөн. 

“Өкмөттүн курамын бекитип берели, иштесин, биз да өз ишибизди кылалы. Бүгүн эл кайра чыксын деп жатасыздарбы. Жетет эми”, - деди депутат Алтынбек Сулайманов.

“6-7-октябрда да чогулсак болмок. 9-октябрда өзгөчө абал кирди. 12синде ал абалды жокко чыгарбай туруп, кайрадан киргиздик. Марттагы өзгөчө абал да жокко чыкпай турат. Андай болгондо бүткүл комитет иштеши керек эле. Мен муну сунуштайм. Баарыбыз укуктук абалга түшөбүз дегенден кийин укуктук абалга кирели”, - деди ал. 

Мирлан Бакиров журналисттердин суроолоруна жооп берип жатып, “менин маалыматым боюнча Садыр Жапаровдун башка талапкерди көрбөй турам”, - деп айтты.

Депутат Аида Касымалиева: бүгүн бардык мыйзамдарды, процессти эске алып бекитүү болот.