БИШКЕК, 14-июл. — Sputnik. Дүйнө жүзүндө коронавирусту жуктуруп алгандардын саны 13 миллиондон ашканы тууралуу Жон Хопкинс атындагы изилдөө институтунун расмий сайтында жарыяланды.
Бишкек убактысы боюнча эртең мененки маалыматка ылайык, ушул тапта коронавирус 13 070 097 кишиден аныкталган. Тилекке каршы, 572 411 адам оорудан көз жумган. Ал эми 7 миллиондон ашууну айыгып чыккан.
Россияда коронавирустун вакцинасы пайдаланууга качан чыгары айтылды
Дартка чалдыккандардын жана каза болгондордун рейтингинин сап башында дагы деле АКШ мамлекети турат. Ал жакта COVID-19 жуктуруп алгандар 3 363 056 болду. Экинчи орундагы Бразилияда 1 884 967 киши ооруган. Андан кийинки эле саптагы Индияда коронавирус 878 254 адамга жуккан. Кийинки саптардан Россия, Перу, Чили, Мексика жана башка мамлекеттерди көрүүгө болот.
Дүйнөлүк саламаттык сактоо уюму 11-мартта коронавирус инфекциясын пандемия деп жарыялаган.
