Салык кызматында жашыруун схемаларды аныктай турган борбор түзүлдү

Жазылуу
Жаңы башкармалыкта иштеген кызматкерлер салыктын бардык түрлөрүнө жана тармактарга мониторинг жүргүзөт.

БИШКЕК, 10-июн. — Sputnik. Мамлекеттик салык кызматында Аналитикалык иштер башкармалыгы (Аналитикалык борбор) түзүлдү. Бул туурасында аталган мекеменин маалымат кызматы билдирди.

Жаңы башкармалык салыктар жана камсыздандыруу төгүмдөрү боюнча резервдерди аныктоо иштеринин сапатын жогорулатуу максатында түзүлгөн.

"Мында иштеген кызматкерлер салыктардын бардык түрлөрүнө жана тармактарга мониторинг жүргүзөт. Алардын милдети — аймактык салык органдарынын ишинин натыйжалуулугун жогорулатуу, салык төлөөчүлөрдүн базасы боюнча талдоо жүргүзүү, жашыруун схемаларын табуу", — деп айтылат маалыматта.

Мындан тышкары, ЕАЭБге мүчө мамлекеттер менен соода жүгүртүүнүн алкагында товарларды эсепке алуу пункттарынын ишин көзөмөлдөйт.

Жаңылыктар түрмөгү
0