Бул күнү кечинде Берлиндеги Рейхстаг имаратынын чатырына совет элинин Улуу Ата Мекендик согушта жеңгенинин расмий символу катары Жеңиш туусу орнотулган.
Ушундан кийин парламенттин имараты үчүн күрөш дагы эки күнгө созулуп, 2-майда немец командачылыгынын багынып берүүсү менен аяктаган.
Советтик солдаттын тууну Рейхстаг имаратынын чокусуна илип жаткан легендарлуу сүрөтү фашисттерди багынткандан кийин гана тартылган. Аны тартып алган адам — Советтер Союзунун аскер корреспонденти Евгений Халдей.
